Almatı köşesindegi «El basınan şiridi» banneri. Foto: rukh2k10 parağınan

1 jeltoqsan tañğı bester şamasında belsendiler Almatı qalası Sain dañğılı men Şalyapin köşesiniñ qiılısındağı köpirge «El basınan şiridi. #qazaqkoktemi» degen banner ilindi.

Bannerdiñ sureti Instagram jelisindegi rukh2k10 akkauntında jariyalandı.

«Osı akciya arqılı halıqqa eldiñ tağdırı bizdiñ qolımızda ekenin körsetimiz keledi. Bizge jaqpağandarğa «joq» dep aytuğa ärqaşanda qwqığımız bolğan, bizde söz bostandığı qwqığımız bar jäne sol qwqığımızdı qorğaymız. Elde zañsızdıq, jemqorlıq jäne qorlau jaylağanda, deval'vaciya, kredit pen ipoteka zaymdarı şekten tıs asıp ketkende biz şaşılıp «Birinşi prezident künin» toylap jatırmız», – dep jazılğan rukh2k10 akkauntında jariyalanğan jazbada.

Bwğan deyin säuirdiñ 21-i Almatıdağı marafon kezinde «Şındıqtan qaşıp qwtıla almaysıñ» degen banner ilgeni üşin belsendi Äsiya Tölesova men Beybarıs Tolımbekovti sot 15 täulikke qamap, qatarında Süyinbike Süleymenova da bar üş azamatqa beybit jiın ötkizu erejesin bwzdı dep ayıppwl salındı.

Al 29 säuirde Roman Zaharov Almatıdağı Äl-Farabi dañğılı boyındağı köpirge Qazaqstan Konstituciyasındağı «Memlekettik biliktiñ birden-bir bastauı – halıq» degen banner ilgen soñ bes künge qamalğan bolatın. Biraq keyin apellyaciyalıq sot Roman Zaharovtı qamaudan bosatqan.

"The Qazaq Times"