1 جەلتوقسان تاڭعى بەستەر شاماسىندا بەلسەندىلەر الماتى قالاسى ساين داڭعىلى مەن شالياپين كوشەسىنىڭ قيىلىسىنداعى كوپىرگە «ەل باسىنان ءشىريدى. #qazaqkoktemi» دەگەن باننەر ءىلىندى.
باننەردىڭ سۋرەتى Instagram جەلىسىندەگى rukh2k10 اككاۋنتىندا جاريالاندى.
«وسى اكتسيا ارقىلى حالىققا ەلدىڭ تاعدىرى ءبىزدىڭ قولىمىزدا ەكەنىن كورسەتىمىز كەلەدى. بىزگە جاقپاعاندارعا «جوق» دەپ ايتۋعا ارقاشاندا قۇقىعىمىز بولعان، بىزدە ءسوز بوستاندىعى قۇقىعىمىز بار جانە سول قۇقىعىمىزدى قورعايمىز. ەلدە زاڭسىزدىق، جەمقورلىق جانە قورلاۋ جايلاعاندا، دەۆالۆاتسيا، كرەديت پەن يپوتەكا زايمدارى شەكتەن تىس اسىپ كەتكەندە ءبىز شاشىلىپ «ءبىرىنشى پرەزيدەنت كۇنىن» تويلاپ جاتىرمىز»، – دەپ جازىلعان rukh2k10 اككاۋنتىندا جاريالانعان جازبادا.
بۇعان دەيىن ءساۋىردىڭ 21-ءى الماتىداعى مارافون كەزىندە «شىندىقتان قاشىپ قۇتىلا المايسىڭ» دەگەن باننەر ىلگەنى ءۇشىن بەلسەندى ءاسيا تولەسوۆا مەن بەيبارىس تولىمبەكوۆتى سوت 15 تاۋلىككە قاماپ، قاتارىندا سۇيىنبيكە سۇلەيمەنوۆا دا بار ءۇش ازاماتقا بەيبىت جيىن وتكىزۋ ەرەجەسىن بۇزدى دەپ ايىپپۇل سالىندى.
ال 29 ساۋىردە رومان زاحاروۆ الماتىداعى ءال-فارابي داڭعىلى بويىنداعى كوپىرگە قازاقستان كونستيتۋتسياسىنداعى «مەملەكەتتىك بيلىكتىڭ بىردەن-ءبىر باستاۋى – حالىق» دەگەن باننەر ىلگەن سوڭ بەس كۇنگە قامالعان بولاتىن. بىراق كەيىن اپەللياتسيالىق سوت رومان زاحاروۆتى قاماۋدان بوساتقان.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟