Körneki kollaj. Foto: Azattıq pen aşıq derekköz

Bügin tañğı 11:00-de el astanasında ondağan belsendi Europa Odağınıñ Qazaqstandağı ökildigi ğimaratınıñ aldına jinalıp, EO diplomattarınan öz narazılıqtarına nazar audaruın swradı.  

Oqiğa kuägeri Azattıqtıñ habarlauınşa, ekinşi kün şeruge şıqqandar diplomattarğa şağım-talaptarın jetkizgisi keledi. Narazılar Qazaqstanda azamattardıñ negizgi qwqıqtarı taptalıp jatqanın, bilik olardı quğındap, miting ötkizuge rwqsat bermeytinin aytadı.

Keşegi, qaraşanıñ 26-sı ötken jiın şamamen üş sağatqa sozılğan. Biraq ökildikten eşkim şıqpağan.

Qarsılıq akciyasına qatısuşılar «Sayasi twtqındarğa bostandıq!», «Qıtay ekspansiyasına jol joq» dep wrandasıp, ayqayladı. Sonımen qatar Şıñjañnan qaşıp, pana swrap kelgen etnikalıq qazaqtardı Qıtayğa qaytarmau qajettigi söz boldı. Olar adam qwqığı jäne azamattıq bostandıq bwzılıp jatqan twsta Qazaqstanmen äriptestik ornatuğa bolmaydı deydi. Ökildikten bügin de eşkim şıqpağan.

Qazaqstandağı EO ökildiginiñ baspasöz qızmetiniñ taratqan mälimdemesine säykes, Europa keñesiniñ Şığıs Europa jäne Ortalıq Aziya jönindegi jwmıs tobınıñ Qazaqstanğa saparı ayasında olar ükimet, parlament deputattarı jäne bas prokuratura ökilderimen kezdesken.

Ökildik saytında jariyalanğan mälimetke säykes, Nwr-Swltandağı kezdesu kezinde Europa Odağı Qazaqstanda beybit şeruge şıqqan adamdardıñ wstalu mäselesine alañdap, Qazaqstandı "qwqıq qorğauşılar, jurnalister men ükimettik emes wyım ökilderiniñ erkin jwmıs isteuine äri qaray da mümkindik beruge" şaqırğan.

EO ökildigi qaraşanıñ 19-ı elde «beybit şeruge şıqqan azamattardıñ eş negzsiz twtqındaluı boyınşa alañdauşılığın bildirip, Qazaqstandı zañgerler, jurnalister jäne ükimettik emes wyımdardıñ jwmısı üşin qolaylı ortanı qalıptastıru boyınşa is-qimıldardı jalğastıruğa şaqırğan».

"The Qazaq Times"