YUNESKO ayasında ötken älem elderiniñ mädeniet ministrleriniñ forumındağı Qazaqstan delegaciyası. Foto: QR MjSM

150 memlekettiñ mädeniet ministrleriniñ basın qosqan YUNESKO forumına ministr Rayımqwlova qatısıp, halıqaralıq wyım basşısınıñ qabıldauında boldı.

Mädeniet jäne sport ministri Aqtotı Rayımqwlova YUNESKO-nıñ atqaruşı direktorı Odre Azuleniñ şaqıruımen mädeniet ministrleriniñ forumına qatıstı. Parijdegi wyımnıñ ştab-päterinde ötip jatqan is-şarağa 150 memlekettiñ ministri jinaldı.

«Qoğamdıq mädeniet äleumettik jäne qala özgerisiniñ qozğauşı küşi» attı sessiyağa qatısqan ministr elimizdegi mädeniet salasınıñ mañızdı bağıttarı men Qazaqstan Respublikasınıñ Twñğış Prezidenti – Elbası N.Ä.Nazarbaevtıñ «Ruhani Jañğıru» bağdarlamalıq maqalası men Prezident Q.K.Toqaevtıñ «Sındarlı qoğamdıq dialog – Qazaqstannıñ twraqtılığı men örkendeuiniñ negizi» joldauı ayasındağı atalğan sala boyınşa atqarılıp jatqan jwmıstarmen tanıstırdı.

Sonımen qatar, Aqtotı Rahmetollaqızı elimizde BWW-nıñ twjırımdamasına say turizmdi damıtu, ruhani qwndılıqtardı nasihattau jäne tarihi eskertkişterdi qorğau bağıtında jürgizilip jatqan jüyeli jwmıstar turalı ayttı.

Söz soñında Aqtotı Rayımqwlova YUNESKO-ğa müşe elderdi wlı aqın Abay Qwnanbaywlınıñ 175 jıldığı men «Ekinşi wstaz» atanğan äl-Farabidiñ 1150 jıldıq mereytoyı qarsañında ötetin mädeni, ğılımi-tanımdıq is-şaralarğa belsene qatısuğa şaqırdı.

YUNESKO atqaruşı direktorı Odre Azulemen kezdesu barısında ministr Qazaqstan men wyım arasındağı mädeniet jäne sport salasındağı mañızdı mäseleler men äriptestik retin talqıladı. Kelissöz barısında jaqında ğana Almatıda qwrılatın Halıqaralıq mädeni baylanıstar ortalığınıñ alğaşqı jobası men Türkistan qalasınıñ damu josparımen bölisti. Ministr türki äleminiñ ortalığı sanalatın Türkistandı damıtu men Qoja Ahmet YAssaui kesenesin qorğau eñ joğarı halıqaralıq talaptarğa say jürgiziletinin atap ötti.

Sonday-aq, Aqtotı Rayımqwlova forum ayasında ötkizilgen birneşe is-şarağa qatıstı. Sonıñ işinde ministrdiñ qatısuımen ötken «Indigo boyauınıñ izimen» attı halıqaralıq körmede Ayjan Bekqwlova men Tamara Käpqızınıñ kiiz basu öneri keñinen tanıstırıldı.

Mädeniet ministri Aqtotı Rayımqwlova YUNESKO-nıñ atqaruşı direktorı Odre Azuleniñ şaqıruımen mädeniet ministrleriniñ forumına qatıstı. Foto: QR MjSM

Ministr Aqtotı Rayımqwlova YUNESKO-nıñ atqaruşı direktorı Odre Azulemen kezdesude. Foto: QR MjSM

Qazaqsannıñ mädeniet ministri özge elderdiñ ministrleri arasında. Foto: QR MjSM

"The Qazaq Times"