Körneki suret. Foto: aşıq derekköz

Almatıda jıl basınan beri 30 kisi iisti gazdan ulanğan.

Almatı qalası boyınşa tauarlar men qızmetter qauipsizdigi jäne sapanı baqılau departamentiniñ bastığı Ayzat Moldağasımova:

– Jıl basınan beri 10 tötenşe jağday tirkeldi. 30 adam gazdan jäne janğan zattardıñ tütininen ulandı. Onıñ 19-ı – balalar. Oqiğalardıñ birinde tabiği gaz taralıp, aua-gaz qospası jarılğan. Saldarınan eki adamnıñ denesin (80 - 100%) küyik şalıp, köz jwmdı. Üş jağdayda 8 adam auır jağdayda auruhanağa jetkizildi, qalğan 7 jağdayda – 27 adam ortaşa jäne jeñil därejede jaraqat aldı, – deydi.

On tötenşe jağdaydıñ üşeui 2019 jıldıñ qañtar-mamırında boldı. Onda altı adam zardap şekti. Jeti jağday 1 qazan – 14 qaraşa aralığında tirkeldi. Bwl kezde 24 adamğa kömek körsetildi.

«Bwl rette, 4 jağdayda adamdar iisti gazğa qattı otınmen janatın peşterdiñ aqauınan, 4 jağdayda gaz qazandıqtarınan gazdıñ şığuınan jäne bir jağdayda üy iesiniñ nemqwraylılığınan ballonnan propan gazınıñ şığuınan ulanğan», – delingen departament habarlamasında.

Tabiği gazdıñ taraluınan eki tötenşe jağday orın aldı. Bireuinde aua-gaz qospası jarılıp, bir adam mert boldı. Endi birinde – üyden ört şığıp, twrğındar ıstan ulanğan.

"The Qazaq Times"