Aqtaudağı jaña jıldıq şırşa. Foto: Lada

Aqtau qalalıq twrğın üy-kommunaldıq şaruaşılığı böliminiñ basşısı Qayrat Aqıbaev jañajıldıq şırşalardı ornatuğa jäne bezendiruge byudjetten 37 mln teñge bölingenin mälimdedi.

Şeneuniktiñ sözinşe, biıl şırşalardı ornatudı «Keruen Farab sauda» jauapkerşiligi şekteuli seriktestigi wtıp alğan. Bwl kompaniya barlıq jwmıstı 21 million teñgege jasap beretinin aytqan.

«Bwl somağa bäri kiredi. Atap aytqanda, şırşanı satıp alu, onı bezendiru, iletin oyınşıqtarı bar. Bıltırdan qalğandarın da qoldanamız. Ötken jılı byudjetten tıs 7 million teñgege girlyandalar satıp alğan edik. Bwl jabdıqtıñ 70 payızdan astamı saqtalğan, yağni olar da paydağa asadı», – deydi Qayrat Aqıbaev.

Merekelik şırşalar 4-şağınaudandağı qala äkimdiginiñ alañı, 15-şağınaudandağı teñiz jağalauı jäne 34-şağınaudandağı «Dostıq üyiniñ» aldına ornatılatın körinedi.

Jañajıldıq bezendiru jwmıstarınıñ qarqındılığı sonşalıq otız jıl boyı Qazaqstannıñ bastı tarihi küni Täuelsizdik küni elirgen dürmektiñ tasasında eleusiz, eskerusiz qalıp keledi. Oqu orındarındağı «aşıq tärbie sağatı» deñgeyinen asa almaytın «wlıqtau şarası» 16 jeltoqsandı öz biigine kötere almay otır. 1 jeltoqsan twñğış prezident küni men 31 jeltoqsan jaña jıl merekesiniñ ortasında qalıñ şabandozdar arasında şañğa bögip, kömeskilenip kemistiñ küyin körgeli otız jılğa tayadı.

Esteriñizde bolsa, bıltır Şımqalada tek köşelerdi bezendiruge qala byudjetinen 70 million teñge bölingen bolatın. Sol kezdegi şahar basşısı Ğabidolla Äbdrahimov Seulge saparınan soñ 2015 jılğı Jaña jıldı toylauğa qarsı şıqqanın wmıtıp, ol oyınan aynıp, bwl somanıñ özin azsınğanı eldiñ esinde. Al oñtüstik astana Almatı äkimdigi osı maqsatta 2017 jılı 175 million teñge, bıltır  75 million teñgege şığındalğan edi. Biıl qalay boları aldağı uaqıttıñ enşisinde.

"The Qazaq Times"