Livandağı ereuilden keyin ükimet basşıları birtindep otstavkağa ketip jatır. Jaqında ministrler kabinetiniñ basşısı qızmetinen ketken. Alayda, ereuilşiler bilikke tolıqtay jaña qwram kelmeyinşe, alğan betimizden qaytpaymız deydi.

Politico basılımınıñ mälimetinşe, eldiñ prem'er-ministri otstavkağa ketkennen keyin prezident Mişel' Aun jaña ükimet qwru turalı wsınıs jasağan. Livan prezidentiniñ aytuınşa, ekonomikalıq dağdarısqa wşırağan Livandı bwl tığırıqtan şığaru üşin şwğıl reforma ötkizip, jaña ükimet qwru kerek. Ötken aptada Livandağı jappay tärtipsizdikterge baylanıstı «Livan küşteri» partiyası basqaruşı koaliciya qwramınan şıqtı.

Livandağı jağday 17 qazan küngi ükimettiñ şeşiminen keyin uşıqqan edi. Atap aytqanda, sayasatkerler ğalamtor arqılı qoñırau şaluğa arnalğan bağdarlamanı qoldanu üşin ay sayın 6 dollar köleminde salıq engizbek bolğan. Biraq ereuilder örşigen soñ bilik bwl şeşimnen bas tarttı. Qazirgi uaqıtta livandıqtar biliktiñ tübegeyli otstavkağa ketuin talap etip otır.

"The Qazaq Times"