ليۆانداعى ەرەۋىلدەن كەيىن ۇكىمەت باسشىلارى بىرتىندەپ وتستاۆكاعا كەتىپ جاتىر. جاقىندا مينيسترلەر كابينەتىنىڭ باسشىسى قىزمەتىنەن كەتكەن. الايدا، ەرەۋىلشىلەر بيلىككە تولىقتاي جاڭا قۇرام كەلمەيىنشە، العان بەتىمىزدەن قايتپايمىز دەيدى.

Politico باسىلىمىنىڭ مالىمەتىنشە، ەلدىڭ پرەمەر-ءمينيسترى وتستاۆكاعا كەتكەننەن كەيىن پرەزيدەنت ميشەل اۋن جاڭا ۇكىمەت قۇرۋ تۋرالى ۇسىنىس جاساعان. ليۆان پرەزيدەنتىنىڭ ايتۋىنشا، ەكونوميكالىق داعدارىسقا ۇشىراعان ليۆاندى بۇل تىعىرىقتان شىعارۋ ءۇشىن شۇعىل رەفورما وتكىزىپ، جاڭا ۇكىمەت قۇرۋ كەرەك. وتكەن اپتادا ليۆانداعى جاپپاي تارتىپسىزدىكتەرگە بايلانىستى «ليۆان كۇشتەرى» پارتياسى باسقارۋشى كواليتسيا قۇرامىنان شىقتى.

ليۆانداعى جاعداي 17 قازان كۇنگى ۇكىمەتتىڭ شەشىمىنەن كەيىن ۋشىققان ەدى. اتاپ ايتقاندا، ساياساتكەرلەر عالامتور ارقىلى قوڭىراۋ شالۋعا ارنالعان باعدارلامانى قولدانۋ ءۇشىن اي سايىن 6 دوللار كولەمىندە سالىق ەنگىزبەك بولعان. بىراق ەرەۋىلدەر ورشىگەن سوڭ بيلىك بۇل شەشىمنەن باس تارتتى. قازىرگى ۋاقىتتا ليۆاندىقتار بيلىكتىڭ تۇبەگەيلى وتستاۆكاعا كەتۋىن تالاپ ەتىپ وتىر.

"The Qazaq Times"