Birikken Korol'diktiñ Qauımdar palatası müşeleri. Foto: https://cdn.pixabay.com

Birikken Korol'diktiñ Qauımdar palatası 12 jeltoqsanda kezekten tıs saylau ötkizuge kelisim berdi. Prem'er-ministr Boris Djonson saylau arqılı eldi ekonomikalıq tığırıqtan şığaruğa söz berip otır.

The Guardian basılımınıñ mälimetinşe, osı aptada ötken dauıs beru kezinde Qauımdar palatası 428 dauısqa ie bolıp, Ükimet merziminen bwrın saylau ötkiz jöninde qwjatqa qol qoydı.

Prem'er-ministr Boris Djonson osı saylauda onıñ konservativti partiyası Qauımdar palatasında köptegen orındardı ielenip, Europalıq odaqpen jaña kelisim jasauğa mümkindik tuadı dep esepteydi. 2015 jılğı saylauda britaniyalıq tori partiyası 36,9% dauıs jinap, 330 mandattıñ basım köpşiligin jeñip aldı. 2017 jılı partiya merziminen bwrın saylauda 42,4% dauısqa ie bolğan.

Qazirşe belgili bolğan saualnamalar nätijesi boyınşa Konservativti partiyanıñ reytingi bas oppoziciyalıq küştiñ, leyboristerdiñ reytingine qarağanda şamamen 10%-ğa joğarı. Biraq saylau aldındağı nauqan kezinde reytingter aytarlıqtay özgerui mümkin. Osı rette Wlıbritaniyanıñ 31 qañtarda Euroodaq qwramınan şığatının eskergen jön. Alda ötetin saylau odaq pen memleket baylanısın oñtaylandırmaq.

"The Qazaq Times"