Біріккен Корольдіктің Қауымдар палатасы мүшелері. Фото: https://cdn.pixabay.com

Біріккен Корольдіктің Қауымдар палатасы 12 желтоқсанда кезектен тыс сайлау өткізуге келісім берді. Премьер-министр Борис Джонсон сайлау арқылы елді экономикалық тығырықтан шығаруға сөз беріп отыр.

The Guardian басылымының мәліметінше, осы аптада өткен дауыс беру кезінде Қауымдар палатасы 428 дауысқа ие болып, Үкімет мерзімінен бұрын сайлау өткіз жөнінде құжатқа қол қойды.

Премьер-министр Борис Джонсон осы сайлауда оның консервативті партиясы Қауымдар палатасында көптеген орындарды иеленіп, Еуропалық одақпен жаңа келісім жасауға мүмкіндік туады деп есептейді. 2015 жылғы сайлауда британиялық тори партиясы 36,9% дауыс жинап, 330 мандаттың басым көпшілігін жеңіп алды. 2017 жылы партия мерзімінен бұрын сайлауда 42,4% дауысқа ие болған.

Қазірше белгілі болған сауалнамалар нәтижесі бойынша Консервативті партияның рейтингі бас оппозициялық күштің, лейбористердің рейтингіне қарағанда шамамен 10%-ға жоғары. Бірақ сайлау алдындағы науқан кезінде рейтингтер айтарлықтай өзгеруі мүмкін. Осы ретте Ұлыбританияның 31 қаңтарда Еуроодақ құрамынан шығатынын ескерген жөн. Алда өтетін сайлау одақ пен мемлекет байланысын оңтайландырмақ.

"The Qazaq Times"