Foto: https://www.dw.com

Franciyada adamdarğa oq jaudırıp, jergilikti meşitti örtemek boldı degen küdikpen 84 jastağı er adam wstaldı. The Guardian basılımınıñ habarlauınşa, küdikti bwrın Franciyada sayasatker bolğan.

Mälimetter boyınşa, küdikti aldımen meşitke ot qoymaq bolğan. Keyinnen adamdarğa qaray oq jaudıra bastağan. Artınşı köligin örtep, izin suıtqan. Bayonna qalasında bolğan atıs saldarınan 74 jäne 78 jastağı eki er adam auır jaraqattandı.

Reuters agenttiginiñ aqparatına säykes, küdikti 2015 jılı Landadağı jergilikti saylauda Marin Le Penniñ äsire oñşıl «Wlttıq maydan» (qazirgi Wlttıq birlestik) partiyasına kandidat bolğan. Äri saylaudıñ alğaşqı turında 18% dauıs jinağan. Wlttıq birlestik ökilderi de mwnı rastap otır. Biraq partiyanıñ ideyasın wnatpağandıqtan, partiyadan ketip qalğan. Islamofobiya jöninde pikir bildirgen Franciya prezidenti Emmanuel' Makron meşitke jasalğan şabuıldı qatañ ayıptap, «mwsılman azamattardı qorğaytının» ayttı.

Biıl naurızda Jaña Zelandiyadağı Kraystçerç qalasında eki meşitke jasalğan terrorlıq şabuıldan 50 adam qaza tauıp, 34 adam jaraqat alğan edi. Qarulı küdikti eñ aldımen «äl-Nwr» meşitine basıp kirip, jwma namazında twrğan 300-ge juıq adamğa oq jaudırğan bolatın.

"The Qazaq Times"