Belarus' pen Reseyden özge barlıq Europa elderi sağat tilin qısqı uaqıtqa auıstırıp – bir sağat keyinge jıljıttı. Qazirgi uaqıtta 76 el qısqı jäne jazğı uaqıtqa köşken. Bwl jöninde Deutsche Welle habarladı.

Negizinen qısqı uaqıtqa köşu jöninde qızu pikirtalas bastalıp, 2018 jılı onlayn dauıs beru nätijesi boyınşa Eurokomissiya jazğı jäne qısqı uaqıtqa köşudi alıp tastauğa keñes bergen edi. Alayda keybir sala, mısalı, äue tasımalı mwnday qadamğa dayın bolmay şıqtı. Al biıl naurızda Europarlament 2021 jıldan bastap, jazğı uaqıtqa köşudi alıp tastaudı qoldap, dauıs berdi.

Germaniya ekonomika ministri Peter Al'tmayerdiñ aytuınşa, EO-dağı adamdardıñ 84%-ı jazğı uaqıtqa auısudan qwtılğısı keledi. Uaqıt özgertudiñ adam densaulığı üşin orasan qauipti ekenin aytqan europalıq därigerler: «Köktemde wyqınıñ bir sağatın joğaltqan kezde kelesi küni-aq jürek wstaması jağdayları 24%-ğa artadı. Küzde wyqı qanğan kezde jürek wstaması 21%-ğa tömendeydi. Mwnday tendenciya kölik apattarı men öz-özine qol jwmsauda da bayqalıp otır» — deydi.

Tarihta twñğış ret sağat tili 1908 jılı Wlıbritaniyada jazda bir sağat alğa jäne qısta bir sağat artqa auıstı. Bwl ideyanı Bendjamin Franklin wsınğan dep esepteledi. AQŞ-ta uaqıttı auıstıru 1918 jılı ğana qoldanıldı.

"The Qazaq Times"