بەلارۋس پەن رەسەيدەن وزگە بارلىق ەۋروپا ەلدەرى ساعات ءتىلىن قىسقى ۋاقىتقا اۋىستىرىپ – ءبىر ساعات كەيىنگە جىلجىتتى. قازىرگى ۋاقىتتا 76 ەل قىسقى جانە جازعى ۋاقىتقا كوشكەن. بۇل جونىندە Deutsche Welle حابارلادى.
نەگىزىنەن قىسقى ۋاقىتقا كوشۋ جونىندە قىزۋ پىكىرتالاس باستالىپ، 2018 جىلى ونلاين داۋىس بەرۋ ناتيجەسى بويىنشا ەۋروكوميسسيا جازعى جانە قىسقى ۋاقىتقا كوشۋدى الىپ تاستاۋعا كەڭەس بەرگەن ەدى. الايدا كەيبىر سالا، مىسالى، اۋە تاسىمالى مۇنداي قادامعا دايىن بولماي شىقتى. ال بيىل ناۋرىزدا ەۋروپارلامەنت 2021 جىلدان باستاپ، جازعى ۋاقىتقا كوشۋدى الىپ تاستاۋدى قولداپ، داۋىس بەردى.
گەرمانيا ەكونوميكا ءمينيسترى پەتەر التمايەردىڭ ايتۋىنشا، ەو-داعى ادامداردىڭ 84%-ى جازعى ۋاقىتقا اۋىسۋدان قۇتىلعىسى كەلەدى. ۋاقىت وزگەرتۋدىڭ ادام دەنساۋلىعى ءۇشىن وراسان قاۋىپتى ەكەنىن ايتقان ەۋروپالىق دارىگەرلەر: «كوكتەمدە ۇيقىنىڭ ءبىر ساعاتىن جوعالتقان كەزدە كەلەسى كۇنى-اق جۇرەك ۇستاماسى جاعدايلارى 24%-عا ارتادى. كۇزدە ۇيقى قانعان كەزدە جۇرەك ۇستاماسى 21%-عا تومەندەيدى. مۇنداي تەندەنتسيا كولىك اپاتتارى مەن ءوز-وزىنە قول جۇمساۋدا دا بايقالىپ وتىر» — دەيدى.
تاريحتا تۇڭعىش رەت ساعات ءتىلى 1908 جىلى ۇلىبريتانيادا جازدا ءبىر ساعات العا جانە قىستا ءبىر ساعات ارتقا اۋىستى. بۇل يدەيانى بەندجامين فرانكلين ۇسىنعان دەپ ەسەپتەلەدى. اقش-تا ۋاقىتتى اۋىستىرۋ 1918 جىلى عانا قولدانىلدى.
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى
ايزات جۇمانوۆانىڭ ءولىمى: بۇگىن ۇكىم وقىلدى، ايىپتالۋشى 14 جىلعا سوتتالدى
ۋكراينا سوعىس جاعدايىنداعى باسقارۋ مودەلىن قايتا قالىپتاستىرۋدا: بۋدانوۆ پرەزيدەنت كەڭسەسىنە كەلدى