AQŞ arnayı jasağı operaciya barısında Abu Bakr äl-Bağdatidıñ közin joydı degen aqparat tarauda. Bağdati bolsa Qazaqstandı qamtığan älem elderi jağınan terrorlıq wyım retinde şekteu qoyılğan özderin «Islam memleketi» dep atağan jihadşıl toptıñ jetekşisi.

Bağdatidıñ oqqa wşqanın AQŞ prezidenti Donal'd Tramp arnayı mälimdemesinde aytqan. Onıñ aynuınşa Bağdati üş jıldan beri AQŞ arnayı jasağınıñ bastı nısanası bolğan. Mälimdemede aytıluınşa, AQŞ-tıñ äue soqqısı Süriya men Türkiya şekarasına jaqın mañda bolğan. Naqtıraq aytqanda, äue şabuılı Süriyanıñ soltüstik-şığısında Türkiya şekarasınan 5 şaqırım ğana qaşıqtıqtağı nısanağa jasalğan.

Äl-Bağdatidıñ öltirilgenin Süriyadağı, Iran men Iraktağı aqparat közderi de rastap jatır. Biraq, Resey tarabı AQŞ arnayı operaciyasınıñ nätijeli bolğanına senbey otır.

AQŞ prezidenti mälimdemesinde arnayı jasaqtıñ äl-Bağdati jasırınğan Barişa eldi mekenindegi twrağına basıp kirip, ondağı 11 balanı evakuaciya jasağan, jerastı jolımen qaşuğa äreket etken äl-Bağdatidıñ oyı iske aspağan. «Biz köptegen jerastı joldarınıñ bar ekeninen habardar edik. Bireuinen basqası tolıqtay jabılğan bolatın. Nätijesinde ol özin üş balasımen birge jarıp jiberdi», – degen prezident Tramp sözinde. Jarılıstan keyin onıñ kisi tanığısız küyde bolğan. Alayda, arnayı saraptaudan nätijesi mürdeni äl-Bağdatidıñ denesi dep twraqtandırğan.

«Bwl tura kinodağıday boldı», – degen prezident Tramp. Ol ştabta operaciyanıñ jalpı barısın baqılağan. Amerikalıq arnayı jasaqtardan adam şığını bolmağan. Äl-Bağdatidıñ twrağına şabuıl jasau kezinde onıñ köptegen jasaqtarı oqqa wşqan. AQŞ prezidenti «Islam memleketi» terrorlıq tobınıñ qılmıstarı turalı ayta kelip: «äl-Bağdati it ölimmen öldi. Älem säl bolsa da qauipsiz bola tüsti», – degen.

Biraq, Reseydiñ Qorğanıs ministrligi keşe jasağan mälimdemesinde AQŞ prezidentininiñ sözine pikirin bildirgen. Resey Qorğanıs tarabı senbi küni Süriya jerinde jasalğan şabuıl turalı bilmeytinderin, äri äl-Bağdatidıñ öltirilgenine kümänmen qaraytının jetkizgen.

“The Qazaq Times”