اقش ارنايى جاساعى وپەراتسيا بارىسىندا ابۋ باكر ءال-باعداتيدىڭ كوزىن جويدى دەگەن اقپارات تاراۋدا. باعداتي بولسا قازاقستاندى قامتىعان الەم ەلدەرى جاعىنان تەررورلىق ۇيىم رەتىندە شەكتەۋ قويىلعان وزدەرىن «يسلام مەملەكەتى» دەپ اتاعان جيھادشىل توپتىڭ جەتەكشىسى.

باعداتيدىڭ وققا ۇشقانىن اقش پرەزيدەنتى دونالد ترامپ ارنايى مالىمدەمەسىندە ايتقان. ونىڭ اينۋىنشا باعداتي ءۇش جىلدان بەرى اقش ارنايى جاساعىنىڭ باستى نىساناسى بولعان. مالىمدەمەدە ايتىلۋىنشا، اقش-تىڭ اۋە سوققىسى ءسۇريا مەن تۇركيا شەكاراسىنا جاقىن ماڭدا بولعان. ناقتىراق ايتقاندا، اۋە شابۋىلى ءسۇريانىڭ سولتۇستىك-شىعىسىندا تۇركيا شەكاراسىنان 5 شاقىرىم عانا قاشىقتىقتاعى نىساناعا جاسالعان.

ءال-باعداتيدىڭ ولتىرىلگەنىن سۇرياداعى، يران مەن يراكتاعى اقپارات كوزدەرى دە راستاپ جاتىر. بىراق، رەسەي تارابى اقش ارنايى وپەراتسياسىنىڭ ناتيجەلى بولعانىنا سەنبەي وتىر.

اقش پرەزيدەنتى مالىمدەمەسىندە ارنايى جاساقتىڭ ءال-باعداتي جاسىرىنعان باريشا ەلدى مەكەنىندەگى تۇراعىنا باسىپ كىرىپ، ونداعى 11 بالانى ەۆاكۋاتسيا جاساعان، جەراستى جولىمەن قاشۋعا ارەكەت ەتكەن ءال-باعداتيدىڭ ويى ىسكە اسپاعان. «ءبىز كوپتەگەن جەراستى جولدارىنىڭ بار ەكەنىنەن حاباردار ەدىك. بىرەۋىنەن باسقاسى تولىقتاي جابىلعان بولاتىن. ناتيجەسىندە ول ءوزىن ءۇش بالاسىمەن بىرگە جارىپ جىبەردى»، – دەگەن پرەزيدەنت ترامپ سوزىندە. جارىلىستان كەيىن ونىڭ كىسى تانىعىسىز كۇيدە بولعان. الايدا، ارنايى ساراپتاۋدان ناتيجەسى مۇردەنى ءال-باعداتيدىڭ دەنەسى دەپ تۇراقتاندىرعان.

«بۇل تۋرا كينوداعىداي بولدى»، – دەگەن پرەزيدەنت ترامپ. ول شتابتا وپەراتسيانىڭ جالپى بارىسىن باقىلاعان. امەريكالىق ارنايى جاساقتاردان ادام شىعىنى بولماعان. ءال-باعداتيدىڭ تۇراعىنا شابۋىل جاساۋ كەزىندە ونىڭ كوپتەگەن جاساقتارى وققا ۇشقان. اقش پرەزيدەنتى «يسلام مەملەكەتى» تەررورلىق توبىنىڭ قىلمىستارى تۋرالى ايتا كەلىپ: «ءال-باعداتي يت ولىممەن ءولدى. الەم ءسال بولسا دا قاۋىپسىز بولا ءتۇستى»، – دەگەن.

بىراق، رەسەيدىڭ قورعانىس مينيسترلىگى كەشە جاساعان مالىمدەمەسىندە اقش پرەزيدەنتىنىنىڭ سوزىنە پىكىرىن بىلدىرگەن. رەسەي قورعانىس تارابى سەنبى كۇنى ءسۇريا جەرىندە جاسالعان شابۋىل تۋرالى بىلمەيتىندەرىن، ءارى ءال-باعداتيدىڭ ولتىرىلگەنىنە كۇمانمەن قارايتىنىن جەتكىزگەن.

“The Qazaq Times”