Foto: https://i.kapital.kz

Belarus' prezidenti Aleksandr Lukaşenko men Qazaqstan prezidenti Qasım-Jomart Toqaev resmi kezdesu ötkizdi.

Eki el basşıları keñeytilgen qwramda kelissözder jürgizdi. Aleksandr Lukaşenkonıñ elimizge resmi saparı Qazaqstan men Belarus' arasındağı özara strategiyalıq äriptestik pen ekonomikalıq is-qimıldardıñ damuına serpin beretinin atap ötken Qasım-Jomart Toqaev sözinde: «Aleksandr Grigor'eviç, sizdiñ saparıñız biz üşin asa mañızdı. Öytkeni bwl bizdiñ memleketterimiz arasındağı ıntımaqtastıq pen qarım-qatınastardıñ şınayı dostıq sipatqa qwrılğanın däleldeydi. Sonımen qatar eki eldiñ iskerlik äriptestigine, onıñ işinde ekonomikalıq, gumanitarlıq baylanıstar men halıqaralıq qarım-qatınastarğa tıñ serpin beredi», – dedi.

Öz kezeginde Aleksandr Lukaşenko: «Qazaqstanmen aradağı qarım-qatınasımız öte jaqsı ekenin, ekonomikamızdıñ birin-biri tolıqtırıp otıratının jäne eki el özara jaña mümkindikterge jol aşatının aytqım keledi. Bizdiñ elimizde şığarılatın önimder Qazaqstanğa qajet. Al biz qazaqstandıq önimderdi satıp aluğa dayınbız», – dep mälimdedi.

Kelissözder nätijesinde birqatar qwjattarğa qol qoyılıp, arnayvı şaralar ötkizilgen. Atap aytar bolsaq, Qazaqstan-Belarus' biznes forumında taraptar jalpı soması 75 million AQŞ dolları bolatın 15 qwjatqa qol qoyatındığı mälim boldı. Qos memleket auılşaruaşılıq tehnikasın jasau, jeñil önerkäsip, tamaq önerkäsibi, farmacevtika salalarında äriptestik ornatpaq.

Bıltır Belarus' Respublikasınıñ şaruaları Qazaqstanğa 311 mln dollardıñ azıq-tüligin eksporttağan. Al biılğı qañtar-tamız aralığında 187 mln dollardıñ azıq-tüligi äkelindi. Äsirese, irimşikke, siır men qws etine swranıs artıp twr. Siır eti bıltırğıdan 2 ese, qws eti 1,7 ese, irimşikke degen swranıs 7% artqan. 2019 jıldıñ 8 ayında 27,7 mln dollardıñ et önimderi, 62 mln dollarğa süt jäne süt önimderi importtalğan.

"The Qazaq Times"