Boeing kompaniyası jıl soñına deyin Boeing 737 Max jolauşılar wşağın qaytadan paydalana bastaydı. Bwğan qosa, amerikalıq kompaniya 2020 jıldıñ ayağına deyin atalğan laynerlerdiñ öndirisin arttırudı da közdep otır.

AQŞ Azamattıq aviaciya Federaldıq basqarmasınıñ habarlauınşa, bwğan deyin anıqtalğan jaramsız bölşekter apatqa äkep soqtırmaydı. Degenmen, wşu procesi kezinde tehnikalıq aqaular boluı mümkin. Mekeme bwl qauip-qaterdi Boeing wşağı bar barlıq memleketke habarladı. Basqarmanıñ resmi mälimdemesinde: «737 NG jäne 737 MAX wşaqtarınıñ keybir bölşekteri dwrıs jasalmağandıqtan, beriktik standarttarına säykes kelmeui, wşaqtardıñ merziminen bwrın tozuı jäne zaqımdauına alıp kelui mümkin», – delingen. Sonımen qatar, basqarma habarlamasında älem boyınşa Boeing-qa tiesili 312 wşaqtıñ aldıñğı qanat twstarında aqau bar ekendigi aytılğan.

Biıl 10 naurızda Debre-Zeyt qalası mañında «Ethiopian Airlines» kompaniyasına tiesili «Boeing 737 Max» wşağı apatqa wşırap, saldarınan 157 adam köz jwmğan bolatın. 2018 jılı qazan ayında Indoneziyada tap osı model'di layner qwlap, 189 jolauşı qaza tapqan edi. Arağa sanaulı künder salıp, Amerikanıñ Djeksonvill qalasındağı özenge Boeing 737 jolauşılar wşağı qwladı. Osı oqiğadan keyin Wlıbritaniya men Franciya wşaqtan bas tartsa, Malayziya, Avstraliya, Indoneziya, Qıtay men Singapur biligi äue kemesin bwdan bılay saparğa şığarmaytın boldı. Sonımen qatar, jaqında Ufa qalasında däl osı Boeing 737 NG wşağı kökke köterilmey qalğan. Bortında 123 jolauşısı bolğan äue kemesi endi wşuğa talpınğanda, qanat twsında dabıl qaqqış iske qosılğan.

"The Qazaq Times"