Birikken Korol'dik parlamenti prem'er-ministr Boris Djonsonnıñ Brexit josparına qatıstı jaña qwjatın qabıldaudan bas tarttı. Bwl jöninde Politico basılımı habarladı.

Negizinen Qauımdar palatası ekinşi oqılımda odaqtan şığu turalı jobanı maqwldağan da bolatın. Biraq keyinirek parlament müşeleri Brexit procesin jıldamdatuğa bağıttalğan tağı bir mañızdı qwjattı keri qaytardı.

Osığan deyin Wlıbritaniyanıñ bwrınğı prem'er-ministri Tereza Mey parlamentke Europalıq odaq qwramınan şığudıñ «B» josparın wsınğan bolatın. Alayda, Britan parlamenti Meydiñ wsınısın da qabıldaudan bas tartqan.

Brexit boyınşa kelissözderdegi EO bas ökili Mişel' Barn'e: «Britaniya mäselesin şeşudi qolğa aldıq. Mwnıñ soñı odaq qwramındağı özge de demokratiyalıq instituttardıñ basqarıluına qater töndirmeui kerek. Eger de Mey ükimeti Brexit boyınşa merzimdi wzartudı swrasa, mwnı Euroodaqqa müşe 27 eldiñ basşısı bekitui tiis», – deydi.

Negizinen Brexit boyınşa kelissözder 2017 jıldan beri jalğasıp keledi. 2016 jılğı referendum boyınşa Wlıbritaniya 29 naurızda Europalıq odaq qwramınan şığuı tiis bolatın. Alayda, taraptar ortaq kelisimge kele almağandıqtan, Brexit uaqıtı eki ret keynge şegerilgen. Tayauda mälim bolğanday, resmi Bryussel' Wlıbritaniyanıñ Euroodaq qwramınan 31 qazanda şığatının ayttı. Bwl qadam da kezekti märte sätsiz ayaqtalsa, Britaniya odaq qwramınan kelisimşartsız şığuı tiis.

"The Qazaq Times"