بىرىككەن كورولدىك پارلامەنتى پرەمەر-مينيستر بوريس دجونسوننىڭ Brexit جوسپارىنا قاتىستى جاڭا قۇجاتىن قابىلداۋدان باس تارتتى. بۇل جونىندە Politico باسىلىمى حابارلادى.
نەگىزىنەن قاۋىمدار پالاتاسى ەكىنشى وقىلىمدا وداقتان شىعۋ تۋرالى جوبانى ماقۇلداعان دا بولاتىن. بىراق كەيىنىرەك پارلامەنت مۇشەلەرى Brexit پروتسەسىن جىلدامداتۋعا باعىتتالعان تاعى ءبىر ماڭىزدى قۇجاتتى كەرى قايتاردى.
وسىعان دەيىن ۇلىبريتانيانىڭ بۇرىنعى پرەمەر-ءمينيسترى تەرەزا مەي پارلامەنتكە ەۋروپالىق وداق قۇرامىنان شىعۋدىڭ «ب» جوسپارىن ۇسىنعان بولاتىن. الايدا، بريتان پارلامەنتى مەيدىڭ ۇسىنىسىن دا قابىلداۋدان باس تارتقان.
Brexit بويىنشا كەلىسسوزدەردەگى ەو باس وكىلى ميشەل بارنە: «بريتانيا ماسەلەسىن شەشۋدى قولعا الدىق. مۇنىڭ سوڭى وداق قۇرامىنداعى وزگە دە دەموكراتيالىق ينستيتۋتتاردىڭ باسقارىلۋىنا قاتەر توندىرمەۋى كەرەك. ەگەر دە مەي ۇكىمەتى Brexit بويىنشا مەرزىمدى ۇزارتۋدى سۇراسا، مۇنى ەۋرووداققا مۇشە 27 ەلدىڭ باسشىسى بەكىتۋى ءتيىس»، – دەيدى.
نەگىزىنەن Brexit بويىنشا كەلىسسوزدەر 2017 جىلدان بەرى جالعاسىپ كەلەدى. 2016 جىلعى رەفەرەندۋم بويىنشا ۇلىبريتانيا 29 ناۋرىزدا ەۋروپالىق وداق قۇرامىنان شىعۋى ءتيىس بولاتىن. الايدا، تاراپتار ورتاق كەلىسىمگە كەلە الماعاندىقتان، Brexit ۋاقىتى ەكى رەت كەينگە شەگەرىلگەن. تاياۋدا ءمالىم بولعانداي، رەسمي بريۋسسەل ۇلىبريتانيانىڭ ەۋرووداق قۇرامىنان 31 قازاندا شىعاتىنىن ايتتى. بۇل قادام دا كەزەكتى مارتە ءساتسىز اياقتالسا، بريتانيا وداق قۇرامىنان كەلىسىمشارتسىز شىعۋى ءتيىس.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى