"Islam memleketin" qwrudı közdeytin "DAIŞ lañkestik wyımına qatıstı" degen ayıp tağılğan 14 qazaqstandıq alğaşqı sot otırısında otır. 22 qazan 2019 jıl. Astana. Foto: aşıq derekköz

Bügin elorda şetindegi qatañ rejimdegi türme ğimaratında atışulı «DAIŞ lañkestik wyımına qatıstı» degen ayıptaumen 14 azamattıñ sot procesi bastalğanı habarlandı. Ayıptaluşınıñ barlığı da «Jusan» operaciyası ayasında arnayı wşaqpen Süriyadan elge jetkizilgender.

El astanasınıñ mamandandırılğan audanaralıq sotı köşpeli otırısında sud'ya Ädil Şayhislamov bügin tañğı 10:00-de zayırlı elderde, sonıñ işinde Qazaqstanda (2015 j.) da tıyım salınğan "DAIŞ lañkestik wyımına qatısı bar" 14 azamattıñ isin qaraudı bastadı. Olarğa özderin «Islam halifatın ornıqtıruşılar» retinde sanaytın DAIŞ «terrorlıq wyımı qwramına qatıstı» dep ayıp tağıluda.

Halıqaralıq DAIŞ lañkestik wyımına qatıstı qazaqstandıq isti qarap jatqan sud'ya – Ädil Şayhislamov. Foto: aşıq derekköz

Ayıptalıp jatqan 14 adamnıñ barlığı bir kezderi mädeniet oşağı bolıp, bügin oyrandalğan soğıs aymağında bolğan 25-50 jas aralığındağı er azamattar. Osığan deyin, naqtıraq aytqanda, 17 qazan WQK halıqaralıq «DAIŞ lañkestik wyımınıñ qwramında bolğan» 14 azamatqa qatıstı isti tergeu amaldarı ayaqtalğanın, sotqa joldanğanın habarlağan edi.

Aşıq sot otırısında zalğa sıymağan keybir BAQ ökilderi sırtqı bölmede arnayı monitordan baqıladı. 22 qazan 2019 jıl. Astana. Foto: Azattıq/Örken Joyamergen

Tergeu qorıtındısına boyınşa, 14 azamatqa "terroristik äreketke qatıstı", «terrorizm äreketine tarttı», «terrorizmdi nasihattadı»,  sonday-aq özge de auır qılmıstar jasağan degen ayıp tağılğan.

Azattıq jariyalağan auır qılmıs türlerimen jauapqa tartılıp jatqan azamattardıñ atı-jöni:

1) Altaev Daniyar

2) Amangeldi Abzal

3) Ayıpqaliev Ermwqan

4) Äbilqayırov Twrlan

5) Äjmämbetov Jandos

6) Baqıtjanov Ğazinwr

7) Janseñgirov Amanjol

8) Ibraev Baqtiyar

9) Qamalov Nwrlan

10) Quanov Ruslan

11) Narbotin Almas

12) Säbitwlı Däuren

13) Säduaqasov Duman

14) Törehanov Danabek

Ayıptaluşılardıñ biri Süriyada alğan jaraqatına baylanısta gospital'da jatır. Tuıstarınıñ sözinşe, onıñ denesiniñ 30 payızı ğana qimılğa keledi.

Küdiktilerdi sot zalına arnayı jasaq ökilderi jetkizgen. 22 qazan 2019 jıl. Astana. Foto: aşıq derekköz

Eske sala ketsek, biıl Wlttıq qauipsizdik komiteti üş ret jürgizilgen «Jusan» operaciyası nätijesinde Süriyadan Qazaqstanğa 595 qazaqstandıq azamat alıp kelingen. Onıñ 400-den köbi balalar. Sırtqı ister ministrligi mälimetine qarağanda, mwnday kürdeli operaciyağa birneşe el, onıñ işinde AQŞ ta kömektesken. Bwğan deyin 10 er jäne 5 äyel adam Qazaqstanda tıyım salınğan atalmış lañkestik wyımğa qatısı bar degen ayıppen sottalıp, türli merzimge bostandığınan ayırılğan bolatın.

Aşıq sot otırısında zalğa sıymağan keybir BAQ ökilderi sırtqı bölmede arnayı monitordan baqıladı. 22 qazan 2019 jıl. Astana. Foto: Azattıq/Örken Joyamergen

"The Qazaq Times"