Akademik E.A.Böketov atındağı Qarağandı memlekettik universiteti. Qarağandı. Foto: aşıq derekköz

Bügin Parlament Mäjilisindegi Ükimet sağatında belgili JOO-nıñ  müşkil häli turalı aytıldı. Qazaqstandıq ğılımnıñ qozğauşı küşiniñ biri akademik E.A.Böketov atındağı Qarağandı memlekettik universitetiniñ jılıtu mäselesi jıldar boyı oñ şeşim tappağan.

Basşılıq 1997 jıldan beri bilim beru nısanın solyarkamen jılıtıp keledi. Bwl üşin jılına şamamen 500 million teñge köleminde qarajat jwmsaladı. Bilim ministri Ashat Aymağambetov QarMU oqıtuşı-professorlar qwramı şamamen 65-70 mıñ teñge aralığında eñbekaqı alatının rastadı.

Ministrdiñ sözinşe, qazir vedomstvo oblıs äkimdigimen birlese otırıp, oqu ornın avtonomdı ortalıq jılıtu jüyesine qosu şaraları jürgizip jatır. Bwğan şamamen 1,5 milliard teñge kerek körinedi.

Qazaqstan tarihındağı ekinşi joğarı oqu ornı, otandıq TOP-20 JOO tiziminde 4-orında twratın akademik E.A.Böketov atındağı Qarağandı memlekettik universitetinde qazirgi tañda 14 fakul'tette 20 mıñnan astam student bilim alıp jatır.

"The Qazaq Times"