Foto: rus.azattyq.org. Nilofar Rahmani, Auğanstan Äue qorğanıs armiyasınıñ wşqış äyeli

Auğanstan Äue qorğanıs küşteriniñ tanımal wşqış qızı Nilofar Rahmani AQŞ-tan bassauğa swrap, elin dür silkindirdi. Nilofar AQŞ Memlekettik departamentiniñ «Erjürek äyel» marapatın alğan talanttı wşqış.

«Azattıq» saytı orıs redakciyasınıñ habarlauınşa,  26 jeltoqsan küni Auğanstan ükimeti wşqış qızdıñ äreketin ayıptap, onıñ qılığı "öz otanın qorğauğa ant bergender üşin wyattı jayt" ekenin äri onıñ özine qauip tönui mümkin degen söziniñ jay "sıltau" ekenin aytqan.

Bwl jöninde, Auğanstan qorğanıs ministrliginiñ resmi ökili Mohammad Radmaniş auğan biliginiñ Amerika turalı wstanımın da bildirdi. Onda Auğanstan qauipsizdigin nığaytu üşin milliardtağan aqşa şığındap jatqan AQŞ, bassauğa swrağan Rahmanidıñ ötinişin qabıldamaytınınan ümitti ekeni aytılğan.

«Eger, äskeri qızmetker öz ömirine qauip tönuden qorıqsa, onda bılayğı halıq qalay kün köredi, –  deydi Radmaniş, – ol jal tauıp otır, bizde bilimdi jäne qwqıq qorğauşı äyleder bar. Olar onday qauip turalı aytqan emes».

Rahmani Auğanstanda qanattı wşu apparatımen wşqan twñğış äyel retinde tanımal. Onıñ payda boluımen birge Auğanstandağı äyel qwqı men mümkindigi artadı degen ümit te zorayğan.

Alayda, AQŞ-ta bir jıl dayındıqtan ötken auğan qızı ötken aptada New York Times (NYT) pen Wall Street Journal-ğa swhbat berip, eldi osılay dürliktirdi. Ol öz qauipsizdigi üşin eline qaytuğa qwlıqtı emes ekenin aytqan. Kün sanap jağdayı uşığıp bara jatqan otanında jaqsı özregister orın almaydı degen pikirin bildirgen. Oğan mısal retinde, osı aydıñ basında, Auğanstannıñ oñtüstigindegi äuejaydıñ äyel qızmetkeriniñ ölimin keltirdi.

«The Qazaq Times»