Türkiya Evfrattıñ şığısında äskeri operaciya bastau aldında twr. Foto: Anadolı.

Türkiya qarulı küşteri resmi mälimdeme jasap, Süriyanıñ soltüstik-şığıs aumağında äskeri operaciya dayındığı jasalıp bolğanın habarladı. Mälimdemede, qarulı operaciya Evfrat özeniniñ şığıs jağalauında bastalatını aytılğan.

Türkiya Qorğanıs ministrligi taratqan mälimdemede operaciyanıñ maqsatı turalı: «Aymaqtıq qauipsizdikti qamtamasız etu jäne süriyalıq bosqındardı beybit aymaqqa ornalastıru maqsatında qarulı operaciyalar jürgiziledi», – delingen.

Sonday-aq, habarlamada: «Türik qarulı küşteri Türkiyanıñ qauipsizdigi, 82 mln halıqtıñ amandığı üşin elimizge qauip töndiretin barlıq terrorlıq toptarğa qarsı küresedi», – delinedi.

Türkiya atalğan operaciyanı bastaudan bwrın Resey jäne Iran basşılarınıñ qatısuımen «Üştik sammitin» ötkizdi. Sonday-aq, Süriya jerindegi qarulı äreketter turasında AQŞ ükimetimen de kelisimder alıp barğan. Mäskeu men Uaşington tarabı Türkiyanıñ qarulı äreketterine qarsılıq bildirgen joq.

“The Qazaq Times”