Gonkongte şeruşiler qatısuımen bolğan tärtipsizdikterden keyin birqatar banktiñ jwmısı uaqıtşa toqtatıldı.

Gonkongtiñ Aqşa aynalımı basqarmasınıñ mälimetinşe, bankter jwmısınıñ toqtatıluı qatınasınıñ irkilisi men vandalizm derekterine baylanıstı bolıp otır.

Gonkongtegi jappay narazılıq şeruleri mausımda bastalğan. 16 mausımda 2 millionğa juıq adam narazılıq şeruine şıqqan edi. Bwl el tarihında bolmağan massalıq narazılıq akciyası. Osı sındı auqımdı narazılıq şerui Gonkongte 1997 jıldan beri bolğan emes. Sol twsta Britaniya ükimeti Gonkongti Qıtay ükimetiniñ ayrıqşa basqaru tärtibine ötkerip bergen bolatın. Bwğan narazı jüz mıñdağan adam köşege şığıp, QHR biligin qabıldauğa qarsı narazılıq bildirgen. Gonkongta jergilikti äkimşilik basşısı Kerri Lam zañ jobasın kün tärtibinen alıp tastau turalı şeşim qabıldadı, biraq bwl ükimetke qarsı narazılıq tolqının toqtatpadı.

Gonkongte apta sayın jalğasın tapqan halıq şerulerin BWW ökilderi, şeteldik agenttikter baqılap otır. «BWW Gonkong äkimşiligi aumağındağı ereuilderge alañdauşılıq bildirip otır. Sebebi qolda bar materialdarğa qarap tärtip saqşıları narazı halıqtı tarqatu üşin halıqaralıq normağa say kelmeytin qwraldardı qoldanğanın kördik. Sonday-aq, jabıq nısanda köz jasauratatın gaz şaşqan. Bwl adam ömirine qauip töndiretin jağday. Gonkong biliginen twrğındarğa qarsı küş qoldanbaudı talap etemiz. Policiya bwl äreketimen ereuilşilerdi odan sayın ızalandıra tüsedi. Mäseleni küşpen şeşudiñ qajeti joq», – deydi BWW-nıñ Adam qwqığı boyınşa ökili Rupert Kolvill.

"The Qazaq Times"