AQŞ prezidenti Donal'd Tramp. Foto: https://sm-news.ru

AQŞ prezidenti Donal'd Tramp Kongress ökilderi qolğa alğan impiçment procedurasın «töñkeris jasauğa bir qadam» dep atadı.

Aq üy basşısı Twitter-degi paraqşasında: «Men kün sayın orın alıp otırğan jağdaylardı esepke ala otırıp, mwnıñ impiçment emes, töñkeriske qadam dey alamın. YAğni halıqtıñ biligin, olardıñ bostandıqtarın, dinin, Qarulı Küşterdi, Meksikamenşekaradağı qabırğanı jäne jalpı Amerika Qwrama Ştattarı azamattarınıñ qwqıqtarın şekteu», – dep jazdı.

Amerikada soñğı künderi Ukraina prezidenti Vladimir Zelenskiymen Tramptıñ şildedegi telefon arqılı äñgimesi töñireginde iri janjal bastaldı. AQŞ prezidentiniñ sayasi opponentteriniñ sözine sensek, Tramp äñgime barısında Ukrainağa bwrınğı amerikandıq vice-prezident Djozef Baydenniñ wlına qatıstı tergeu bastaudı swrağan. Al onıñ ornına Uaşington Kievke qarjılay jäne äskeri kömek körsetedi. Demokrat Bayden 2020 jılı qaraşada ötetin prezidenttik saylauda Tramptıñ eñ mıqtı bäsekelesi sanaladı. Sondıqtan, demokrattardıñ pikirinşe, Tramp Zelenskiyge «qısım körsete otırıp», ekinşi merzimge qayta saylanuğa talpınğan. Al Donal'd Tramp osı tergeumen aynalısatın kongressmen-demokrat Adam Şiffti memleketke satqındıq jasadı dep ayıptap otır. Tramptıñ pikirinşe, Şiff Zelenskiymen telefon arqılı äñgimesin tolıq emes äri jalğan aqparlarmen taratqan.

Atalğan mäselege baylanıstı AQŞ prezidentine qarsı impiçment procesin bastağan demokrattar Tramptıñ advokatı Rudi Djulianidi sotqa şaqırğan. Olar Donal'd Tramptıñ Ukrainamen aradağı elektrondı jazbalarına, telefon qoñıraularına, sms-hattarına qatıstı mälimetterdi swrap otır. Rudi Djuliani: «Impiçmentke qatıstı tergeudi Ökilder palatasınıñ tintu komiteti jürgizip otır. Demokrat Adam Şiff aldın ala barlığın şeşip qoyğan. Sondıqtan olarğa kömektesemin dep ayta almaymın. Degenmen, Tramp meniñ tüsinikteme bergenimdi qalasa, ärine kelisemin», – deydi.

Negizinen Trampqa impiçment jariyalau turalı taqırıp AQŞ-ta bıltır qaraşada ötken Kongresske aralıq saylau kezinde talqılanğan. Biraq, bwl şeşim respublikalıq senatorlar qoldauınsız aytarlıqtay mağınağa ie bolğan joq. Sebebi, impiçment jariyalau üşin barlıq senatorlar 2/3 bölikte dauıs berui tiis. AQŞ prezidentiniñ maqwldau reytingisi – Aq üy qaramağındağı partiyalardıñ deñgeyin anıqtau üşin arnalğan. Donal'd Tramp reytingi soñğı uaqıtta 40%-dıq körsetkişke jetti. Salıstırmalı türde, Barak Obamanıñ reytingi 2010 jılğı aralıq saylau aldında 45%-dı qwrağan bolatın. YAğni eldegi qarsılıqtarğa qaramastan, memleket tarapınan Tramptıñ körsetkişi joğarı bağalanğan.

Osı uaqıtqa deyin AQŞ-ta Endryu Djonson jäne Bill Klinton impiçment procesine wşırağan. Eki prezidenttiñ lauazımın şekteu senattağı talqılaulardıñ qorıtındısı boyınşa aqtalğan. Al Amerika tarihında «swstı adam» atanğan Riçard Nikson Uotergeyt janjalına baylanıstı impiçment arqılı otstavkağa ketken bolatın.

"The Qazaq Times"