Foto: aikyn.kz

Almatıda «İskerlik jurnalistika» kitabınıñ twsaukeseri ötti.

Şara barısında joba avtorı Erbol Azanbek: «Ekonomika, qarjı, biznes taqırıbında qazaq tildi BAQ jii jaza bermeydi. Biraq oqırmannıñ swranısı orasan. Osı olqılıqtıñ ornın toltıru maqsatımen soñğı 4 jılda «İskerlik jurnalistika mektebi» kursı, 7kun.kz isker jañalıqtar saytın aştıq. Kursta jas jurnalisterdi dayındap, jeke saytımızda täjiribe jinatıp, ülken BAQ-na jiberip otıru negizgi wstanımımız. Bwl arqılı qazaq tilinde iskerlik taqırıpta jazatın jurnalister tobın qalıptastıru bastı maqsatımız. Alayda tübegeyli özgeris üşin bwl da az. Sondıqtan jurnalisterge nwsqaulıq türinde «İskerlik jurnalistika» kitabın qwrastırudı şeştik. Onı jazu barısında Oral, Şımkent qalalarındağı jurnalistermen kezdestik, sonday-aq BAQ ökilderiniñ pikir, wsınıstarın jinadıq. Sonıñ negizinde kitap jazıldı. Qazaqstandağı AQŞ elşiliginiñ qoldauımen jarıq körgendikten kitaptı Qazaqstandağı media wyımdarğa, jurnalistika fakul'tetterine tegin taratamız jäne qalağan adam elektrondı nwsqasın 7kun.kz saytınan jüktep ala aladı. Bwl jobanı qoldap, aynalamızdı özgertuge mümkindik bergen azamattarğa alğısım şeksiz», – dedi.

Mıñ danamen jarıq körgen kitap «Ekonomika, qarjı, biznes taqırıptarında qalay jazuğa boladı?» degen swraqqa jauap jäne media ökilderi üşin naqtı keñester beredi. Kitaptı jazuğa Şolpan Aytenova, Asiya Akişeva, Esengül Käpqızı, Ashat Erkimbay, Alibek Alliyarov, Dinmwhamed Ziyadin sındı belgili media mamandarı qatısqan. Mira Halina, Oleg He, Aynura Kargalinova, Gülzat Nwrmoldaqızı sındı belgili jurnalister täjiribesimen bölisken.

"The Qazaq Times"