Franciya prezidenti Emmanuel' Makron jäne Germaniya kancleri Angela Merkel'. Foto: http://korrnews.ru

Europalıq odaq Ispaniyadan Merkel' –  Makron tandemin jalğastıra alatın jaña sayasatkerdi dayındamaq. Biraq, Ispaniyadağı sayasi dağdarıs jalğasa berse, el europalıq instituttardağı öz äleuetin joğaltıp, bedeline nwqsan keltirui mümkin.

EO-dağı derekközderge silteme jasağan El Pais basılımınıñ mälimetinşe, Bryussel' Pireney Korol'digindegi jağdaydı mwqiyat qadağalap otır. Ispaniyadağı tört jıldıñ işinde kezekti jalpı saylaudı ötkizu turalı şeşim Europanıñ damığan elderi tarapınan Madridke degen senimge küdik wyalata bastağan.

Ispaniya biligi osığan deyin Federika Mogeriniden soñ EO sırtqı sayasi qızmetiniñ basşısı lauazımına Jozep Borrel'diñ kandidaturasın wsınuğa qol jetkizgen bolatın. Bryussel'degi resmi ökilder: «Bizge Merkel' – Makron tandemin tolıqtıra alatın Socialistik köşbasşı qajet boldı jäne Ispaniya siyaqtı proeuropalıq elde jas twlğanıñ sayasi arenada boy tikteui mañızdı», – deydi.

28 säuirde Ispaniyada ötken jalpığa birdey saylau qorıtındısı boyınşa Ispan Socialistik jwmıs partiyası (ISRP) jeñiske jetken. Degenmen, sayasi küş ministrler kabinetiniñ basşısı lauazımına Sançesti öz betinşe bekitudi maqsat etti. Soñğı jıldarı basqaruşı topqa bastı odaqtas retinde tanılğan «Podemos» («Bizdiñ qolımızdan keledi!») partiyasımen ükimet arasındağı kelissözder tabıstı bolğan joq. Bwl sayasi küş koaliciyalıq Ükimettiñ qalıptasuın talap etti. Ispaniya Konstituciyası boyınşa, 23 qırküyekke deyin parlamenttik toptar sayasi dağdarıstı şeşui tiis bolatın. Alayda, sayasi toptar men bilik ortaq kelisissözge qol jetkize almağandıqtan, Ispaniyada kezekten tıs saylau ötetin boldı.

"The Qazaq Times"