Saud patşalığınıñ sırtqı ister uäziri äl-Jubeyir.

«Saud Arabiyası soğıstı qalamaydı, biraq, Irandı jauapkerşilikke tartamız». Bwnday mälimdemeni Saud Arabiyasınıñ Sırtqı ister ministri Adel äl-Jubeyir jasadı. Ol eldegi eki mwnay nısanına jasalğan şabuıl baylanıstı äskeri äreketterdi qamtığan barlıq şaralardı jasap jatqanın bildirgen.

Esteriñizde bolsa, 14 qırküyek küni Saud Arabiyasınıñ eñ ülken eki mwnay nısanına şabuıl jasalıp, eldiñ öndirisi 50 payızğa deyin qısqarğan bolatın. AQŞ şabuılğa baylanıstı Irandı ayıptağan, jaqında Europa elderi de osınday közqarasta ekenin bildirdi.

Al, Tehran mwnday ayıptı şetke qaqtı, äri AQŞ pen Saud Arabiyası sekildi odaqtastar äskeri şabuıl jasaytın bolsa, Iran qatañ jauap qaytaratının eskertken.

Bwdan birneşe kün bwrın Iran SİM basşısı Javad Zarif te Irannıñ soğıstı qalamaytının, alayda şabuılğa qatañ qarsı twratının, eger «AQŞ birinşi bolıp soğıs bastasa, bwl soğıstıñ jeñimpazı bolmaytının» aytıp edi. Taraptardıñ kezektesken mälimdemeleri Parsı şığanağındağı soğıs qaupin küşeyte tüsude.

“The Qazaq Times”