ساۋد پاتشالىعىنىڭ سىرتقى ىستەر ءۋازىرى ءال-جۋبەير.

«ساۋد ارابياسى سوعىستى قالامايدى، بىراق، يراندى جاۋاپكەرشىلىككە تارتامىز». بۇنداي مالىمدەمەنى ساۋد ارابياسىنىڭ سىرتقى ىستەر ءمينيسترى ادەل ءال-جۋبەير جاسادى. ول ەلدەگى ەكى مۇناي نىسانىنا جاسالعان شابۋىل بايلانىستى اسكەري ارەكەتتەردى قامتىعان بارلىق شارالاردى جاساپ جاتقانىن بىلدىرگەن.

ەستەرىڭىزدە بولسا، 14 قىركۇيەك كۇنى ساۋد ارابياسىنىڭ ەڭ ۇلكەن ەكى مۇناي نىسانىنا شابۋىل جاسالىپ، ەلدىڭ ءوندىرىسى 50 پايىزعا دەيىن قىسقارعان بولاتىن. اقش شابۋىلعا بايلانىستى يراندى ايىپتاعان، جاقىندا ەۋروپا ەلدەرى دە وسىنداي كوزقاراستا ەكەنىن ءبىلدىردى.

ال، تەھران مۇنداي ايىپتى شەتكە قاقتى، ءارى اقش پەن ساۋد ارابياسى سەكىلدى وداقتاستار اسكەري شابۋىل جاسايتىن بولسا، يران قاتاڭ جاۋاپ قايتاراتىنىن ەسكەرتكەن.

بۇدان بىرنەشە كۇن بۇرىن يران ءسىم باسشىسى جاۆاد زاريف تە يراننىڭ سوعىستى قالامايتىنىن، الايدا شابۋىلعا قاتاڭ قارسى تۇراتىنىن، ەگەر «اقش ءبىرىنشى بولىپ سوعىس باستاسا، بۇل سوعىستىڭ جەڭىمپازى بولمايتىنىن» ايتىپ ەدى. تاراپتاردىڭ كەزەكتەسكەن مالىمدەمەلەرى پارسى شىعاناعىنداعى سوعىس قاۋپىن كۇشەيتە تۇسۋدە.

“The Qazaq Times”