Iran prezidenti Hasan Ruhani BWW Bas Assambleyasında jasağan bayandamasında IIR-nıñ sankciya jağdayında eşqanday kelissöz jürgizbeytinin ayttı. Ol AQŞ-tıñ 2015 jılı jasalğan kelisimnen bir jaqtı şığıp ketkenin jäne osı kelisimdegi Europa elderiniñ kelisimdi jalğastıruğa därmensiz bolğanın aytıp ötti.

Hasan Ruhani BWW Bas Assambleyasınıñ 74-şi sessiyasında AQŞ-tıñ Iranğa jasağan qısımı jäne BWW-nıñ oğan ünsizdik tanıtuın ayıptadı. Ol sözinde: «Iran sankciya salu, ekonomikalıq qısım jasau arqılı bir eldi tize büktirgisi keletin dwşpanımen kelissöz jasamaydı», – dedi.

Iran prezidenti sol eldiñ ruhani kösemi ayatolla Homeneydiñ mälimdemesine silteme jasay otırıp: «Kelissözge oraludıñ jalğız jolı – 2015 jılğı kelisimdi qalpına keltiru jäne sankciyalardı joyu», – dep körsetti. Ol jäne jalpı älemge AQŞ pen Europa elderiniñ kelisimdegi mindetin atqarmay otırğanı däleldengenin de aytıp ötken.

Prezident Ruhani bayandamasında Izrail'diñ Palestina jerin basıp aluı, Ierusalimdi ortalıq qala etuge tırısuı sındı agressiyalıq äreketterin ayıptadı. Bwğan qosa, Batıs Aziya (Batısta Tayau-Şığıs) öñirindegi bolıp jatqan qaqtığıstar men qantögisterde Izrail' men AQŞ-tıñ jauapkerşiligi zor dep körsetken.

Parsı şığanağı mäselesi jöninde Iran prezidenti: «Parsı şığanağınıñ qauipsizdigi men twraqtılığın qorğau Irannıñ tarihi mindeti. Iran Parsı şığanağı men Ormuz bwğazınıñ beybitşiligin qalaytın barlıq eldi «Ümit koaliciyasına» nemese «Ormuz bwğazı beybitşilik koaliciyasına» qatısuğa şaqıramız», – dep mälimdedi.

 

“The Qazaq Times”