Iranğa qarsı Saud Arabiyası men AQŞ qatısatın jaña koaliciya qwrılmaq. Bwl aymaqtağı teke-tiresti tiptide küşeytip jiberui mümkin degen qauip bar. Degenmen, AQŞ memlekettik hatşısı Mayk Pompeo Iranğa qarsı soğıstı boldırmauğa tırısatının aytqan edi.

Pompeonıñ mälimdeuinşe, jaña koaliciya aymaqtıñ twraqtılığın saqtau maqsatında qwrılmaq. Qwrama Ştat tarabı Iranmen soğıstı boldırmauğa bar küşin saladı. Ol sonday-aq, bwnday tejeu şaraları nätijeli bolmasa, prezident Tramp batıl şaralar jasauı da mümkin ekenin, äri bwnı Iran ükimeti de anıq biletinin aytqan.

Esteriñizde bolsa, 14 qırküyek küni Saud Arabiyasınıñ mwnay nısandarı şabuılğa wşırap, eldiñ mwnay öndirisi 50 payızğa deyin qısqardı. Bwl öz kezeginde mwnay bağasına, älem bazarına da äser etti. AQŞ şabuılğa baylanıstı Irandı ayıptadı. Tehran bwl ayıptı joqqa şığardı.

Saud Arabiyası şabuıldan keyin Qwrama Ştatpen qorğanıs ıntımaqtastığın tipti de küşeyte tüsti. AQŞ Saud Arabiyasınıñ äue şabuıldarınan qorğanısın küşeytu üşin qosımşa äskeri küşterdi de şığardı. Pentagon sonday-aq Birikken Arab Ämirligin de qorğanıs ıntımaqtastığına jwmıldırğan.

“The Qazaq Times”