يرانعا قارسى ساۋد ارابياسى مەن اقش قاتىساتىن جاڭا كواليتسيا قۇرىلماق. بۇل ايماقتاعى تەكە-تىرەستى تىپتىدە كۇشەيتىپ جىبەرۋى مۇمكىن دەگەن قاۋىپ بار. دەگەنمەن، اقش مەملەكەتتىك حاتشىسى مايك پومپەو يرانعا قارسى سوعىستى بولدىرماۋعا تىرىساتىنىن ايتقان ەدى.

پومپەونىڭ مالىمدەۋىنشە، جاڭا كواليتسيا ايماقتىڭ تۇراقتىلىعىن ساقتاۋ ماقساتىندا قۇرىلماق. قۇراما شتات تارابى يرانمەن سوعىستى بولدىرماۋعا بار كۇشىن سالادى. ول سونداي-اق، بۇنداي تەجەۋ شارالارى ناتيجەلى بولماسا، پرەزيدەنت ترامپ باتىل شارالار جاساۋى دا مۇمكىن ەكەنىن، ءارى بۇنى يران ۇكىمەتى دە انىق بىلەتىنىن ايتقان.

ەستەرىڭىزدە بولسا، 14 قىركۇيەك كۇنى ساۋد ارابياسىنىڭ مۇناي نىساندارى شابۋىلعا ۇشىراپ، ەلدىڭ مۇناي ءوندىرىسى 50 پايىزعا دەيىن قىسقاردى. بۇل ءوز كەزەگىندە مۇناي باعاسىنا، الەم بازارىنا دا اسەر ەتتى. اقش شابۋىلعا بايلانىستى يراندى ايىپتادى. تەھران بۇل ايىپتى جوققا شىعاردى.

ساۋد ارابياسى شابۋىلدان كەيىن قۇراما شتاتپەن قورعانىس ىنتىماقتاستىعىن ءتىپتى دە كۇشەيتە ءتۇستى. اقش ساۋد ارابياسىنىڭ اۋە شابۋىلدارىنان قورعانىسىن كۇشەيتۋ ءۇشىن قوسىمشا اسكەري كۇشتەردى دە شىعاردى. پەنتاگون سونداي-اق بىرىككەن اراب امىرلىگىن دە قورعانىس ىنتىماقتاستىعىنا جۇمىلدىرعان.

“The Qazaq Times”