Körneki suret. Foto: http://static.kremlin.ru

Kaspiy öñiriniñ elderi öziniñ kölik infraqwrılımı men baylanıs jüyeleriniñ qauipsizdigin qamtamasız etuge asa nazar audaruı tiis. Bwl turalı BWW Bas Assambleyasınıñ 74-şi sessiyası alañında ötip jatqan ekinşi Kaspiy biznes-fourmında AQŞ Memlekettik hatşısınıñ orınbasarı Djordj Kent mälimdedi.

«AQŞ Kaspiy aymağın ülken äleuet köredi jäne 100-ge juıq amerikandıq kompaniya qazirgi zamanğı infraqwrılımdı qwruda mañızdı röl atqaradı. Biz kölik infraqwrılımınıñ ğana emes, kommunikaciya jüyeleriniñ qauipsizdigin qamtamasız etuge wmtıluğa tiispiz», – dedi ol. Sonımen qatar, Djordj Kent Kaspiy aymağı mäselesin retteude bilikti, senim bildiruge layıqtı wyımdar atsalısuı qajettigin atap ötti.

AQŞ Memlekettik hatşısı kömekşisiniñ orınbasarı öñirdegi energetikalıq jobalardı tabıstı iske asıruğa, atap aytqanda Transadriatikalıq gaz qwbırınıñ mañızına toqtaldı. «Bwl gaz qwbırı Kaspiy öñirinen Balqanğa energiya tasımaldauşılardı jetkizudi qamtamasız etedi jäne monopolizaciyalauğa tırısatın Europalıq energetikalıq qauipsizdikti nığaytadı», – dedi ol.

"The Qazaq Times"