Britaniya, Franciya jäne Germaniya da Saud Arabiyasınıñ mwnay nısandarına jasalğan şabuılğa baylanıstı Irandı ayıptadı. Bwğan deyin mwnday ayıptau tek Qwrama Ştat tarabınan bolğan. Biraq, soğan qaramastan Europa elderi Iranmen 2015 jılğı kelisimdi saqtap qaluğa tırısatının bildirdi.

Europa elderiniñ birikken mälimdemesinde: «Şabuıldıñ artında Irannıñ twrğanı bizge mälim boldı. Bwdan özge tüsindirme joq. Biz ayıptılardı anıqtau boyınşa tergeu jürgizudi qoldaymız», – delingen.

Biraq, Iran SİM basşısı Javad Zarif bwl ayıptaudı joqqa şığardı. Ol «Europa elderi AQŞ-tıñ aqılğa qonımsız ayıptarın qaytalap jatır» dep sınğa aldı. Ol jäne: «Iran Europa liderleriniñ yadrolıq qaru boyınşa jaña kelisim qwru wsınısına senbeydi. Sebebi, Europa elderi AQŞ-tıñ rwqsatınsız öz mindetterin atqara almaydı», – degen.

Tehran bwğan deyin Saud Arabiyasındağı oqiğağa baylanıstı AQŞ pen onıñ odaqtastarı äskeri äreketke baratın bolsa, Iran qatañ jauap qaytaratının eskertken bolatın.

“The Qazaq Times”