بريتانيا، فرانتسيا جانە گەرمانيا دا ساۋد ارابياسىنىڭ مۇناي نىساندارىنا جاسالعان شابۋىلعا بايلانىستى يراندى ايىپتادى. بۇعان دەيىن مۇنداي ايىپتاۋ تەك قۇراما شتات تارابىنان بولعان. بىراق، سوعان قاراماستان ەۋروپا ەلدەرى يرانمەن 2015 جىلعى كەلىسىمدى ساقتاپ قالۋعا تىرىساتىنىن ءبىلدىردى.

ەۋروپا ەلدەرىنىڭ بىرىككەن مالىمدەمەسىندە: «شابۋىلدىڭ ارتىندا يراننىڭ تۇرعانى بىزگە ءمالىم بولدى. بۇدان وزگە تۇسىندىرمە جوق. ءبىز ايىپتىلاردى انىقتاۋ بويىنشا تەرگەۋ جۇرگىزۋدى قولدايمىز»، – دەلىنگەن.

بىراق، يران ءسىم باسشىسى جاۆاد زاريف بۇل ايىپتاۋدى جوققا شىعاردى. ول «ەۋروپا ەلدەرى اقش-تىڭ اقىلعا قونىمسىز ايىپتارىن قايتالاپ جاتىر» دەپ سىنعا الدى. ول جانە: «يران ەۋروپا ليدەرلەرىنىڭ يادرولىق قارۋ بويىنشا جاڭا كەلىسىم قۇرۋ ۇسىنىسىنا سەنبەيدى. سەبەبى، ەۋروپا ەلدەرى اقش-تىڭ رۇقساتىنسىز ءوز مىندەتتەرىن اتقارا المايدى»، – دەگەن.

تەھران بۇعان دەيىن ساۋد ارابياسىنداعى وقيعاعا بايلانىستى اقش پەن ونىڭ وداقتاستارى اسكەري ارەكەتكە باراتىن بولسا، يران قاتاڭ جاۋاپ قايتاراتىنىن ەسكەرتكەن بولاتىن.

“The Qazaq Times”