Europalıq ortalıq bank. Foto: https://report.az

Europarlament ökilderi Europalıq ortalıq banktiñ prezidenti boluğa Kristin Lagardtı layıqtı dep tanıdı.

Reuters agenttiginiñ mälimetinşe, dauıs beru nätijesinde wyım parlamentiniñ 394 deputatı qoldap, 206-sı qarsılıq bildirgen. Tağı 49 deputat qalıs qaldı.

Osığan deyin Kristin Lagardtıñ kandidaturasın Europalıq ortalıq banktiñ direktorlar keñesi bekitken bolatın. Al onıñ qazirgi basşısı Mario Dragidiñ qızmet merzimi 31 qazanda ayaqtaladı.

Kristin Lagard 2011 jıldıñ qırküyeginen bastap Düniejüzilik valyutalıq qordı basqarğan. Şildede Lagard otstavkağa ketetinin mälimdedi. Osıdan keyin Euroodaq köşbasşıları Lagardtı Europanıñ Ortalıq bankiniñ basqaruşı-direktorı qızmetine wsınğan bolatın. Endi Europarlament deputattarınıñ bwl tañdauı tolıqtay qoldau tapsa, Lagard ortalıq bankti basqarğan alğaşqı äyel atanbaq.

"The Qazaq Times"