ەۋروپالىق ورتالىق بانك. فوتو: https://report.az

ەۋروپارلامەنت وكىلدەرى ەۋروپالىق ورتالىق بانكتىڭ پرەزيدەنتى بولۋعا كريستين لاگاردتى لايىقتى دەپ تانىدى.

Reuters اگەنتتىگىنىڭ مالىمەتىنشە، داۋىس بەرۋ ناتيجەسىندە ۇيىم پارلامەنتىنىڭ 394 دەپۋتاتى قولداپ، 206-سى قارسىلىق بىلدىرگەن. تاعى 49 دەپۋتات قالىس قالدى.

وسىعان دەيىن كريستين لاگاردتىڭ كانديداتۋراسىن ەۋروپالىق ورتالىق بانكتىڭ ديرەكتورلار كەڭەسى بەكىتكەن بولاتىن. ال ونىڭ قازىرگى باسشىسى ماريو دراگيدىڭ قىزمەت مەرزىمى 31 قازاندا اياقتالادى.

كريستين لاگارد 2011 جىلدىڭ قىركۇيەگىنەن باستاپ دۇنيەجۇزىلىك ۆاليۋتالىق قوردى باسقارعان. شىلدەدە لاگارد وتستاۆكاعا كەتەتىنىن مالىمدەدى. وسىدان كەيىن ەۋرووداق كوشباسشىلارى لاگاردتى ەۋروپانىڭ ورتالىق بانكىنىڭ باسقارۋشى-ديرەكتورى قىزمەتىنە ۇسىنعان بولاتىن. ەندى ەۋروپارلامەنت دەپۋتاتتارىنىڭ بۇل تاڭداۋى تولىقتاي قولداۋ تاپسا، لاگارد ورتالىق بانكتى باسقارعان العاشقى ايەل اتانباق.

"The Qazaq Times"