Resey Japoniyamen «aral dauına» nükte qoyıp, jaña kelissözder jürgizuge müddeli.

Osığan qatıstı Resey Sırtqı ister ministri Sergey Lavrov: «Soğıs ayaqtalğannan keyin qol qoyılatın jay ğana beybit kelisim-şart jasap qana qoymay, Resey men Japoniya arasındağı qarım-qatınastardıñ qazirgi deñgeyin körsetetin qwjattı jäne eñ bastısı-olardı odan äri damıtudıñ bağdarların körsetu qajet. Qarım-qatınastı sapalı jaña deñgeyge şığaru üşin jalpı tınımsız jwmıstı jalğastıruğa dayınbız. Beybit kelisim - şart eki eldiñ problemasın ıqtimaldı şeşuge, halıqtarımen qoldau jäne qabıldau kerek ekendigin ärdayım eskeremiz», – dedi.

Eki el arasındağı aral dauı äli künge deyin oñtaylı şeşim tapqan joq. 2 tamızda Kuril araldarına reseylik şendiler basqaru tobımen barğannan keyin, Japoniya Sırtqı ister ministrligi Mäskeuge narazılıq hatın joldağan bolatın. Bwğan qatıstı pikir bildirgen Resey prem'er-ministri Dmitriy Medvedev: «Japon halqınıñ narazılığı bizdiñ eş alañdauşılığımızdı tuğızbaydı. Kuril araldarı Resey jerine tiesili. Araldar Sahalin oblısına kiredi. Sol sebepti reseylikterdiñ ol jaqqa baruğa tolıqtay qwqığı bar», – dedi.

Japoniya prem'er-ministri Sindzo Abe men Resey prezidenti Vladimir Putin aral mäselesine qatıstı 2012 jıldan beri birneşe kezdesu wyımdastırğan. Alayda, taraptar ortaq mämilege kele almadı.

"The Qazaq Times"