Жапония премьер-министрі Синдзо Абэ және Ресей президенті Владимир Путин. Фото: http://itd3.mycdn.me

Ресей Жапониямен «арал дауына» нүкте қойып, жаңа келіссөздер жүргізуге мүдделі.

Осыған қатысты Ресей Сыртқы істер министрі Сергей Лавров: «Соғыс аяқталғаннан кейін қол қойылатын жай ғана бейбіт келісім-шарт жасап қана қоймай, Ресей мен Жапония арасындағы қарым-қатынастардың қазіргі деңгейін көрсететін құжатты және ең бастысы-оларды одан әрі дамытудың бағдарларын көрсету қажет. Қарым-қатынасты сапалы жаңа деңгейге шығару үшін жалпы тынымсыз жұмысты жалғастыруға дайынбыз. Бейбіт келісім - шарт екі елдің проблемасын ықтималды шешуге, халықтарымен қолдау және қабылдау керек екендігін әрдайым ескереміз», – деді.

Екі ел арасындағы арал дауы әлі күнге дейін оңтайлы шешім тапқан жоқ. 2 тамызда Курил аралдарына ресейлік шенділер басқару тобымен барғаннан кейін, Жапония Сыртқы істер министрлігі Мәскеуге наразылық хатын жолдаған болатын. Бұған қатысты пікір білдірген Ресей премьер-министрі Дмитрий Медведев: «Жапон халқының наразылығы біздің еш алаңдаушылығымызды туғызбайды. Курил аралдары Ресей жеріне тиесілі. Аралдар Сахалин облысына кіреді. Сол себепті ресейліктердің ол жаққа баруға толықтай құқығы бар», – деді.

Жапония премьер-министрі Синдзо Абэ мен Ресей президенті Владимир Путин арал мәселесіне қатысты 2012 жылдан бері бірнеше кездесу ұйымдастырған. Алайда, тараптар ортақ мәмілеге келе алмады.

"The Qazaq Times"