Qazaqstan men Özbekstan arasındağı sauda aynalımı barlıq salada 40%-dan asıp, biılğı jıldıñ altı ayında 1 milliard 600 million dollardan asqan. Bwl jöninde Taşkentte ötken eki jaqtı iskerlik keñestiñ üşinşi otırısında mälim boldı.

Kzedesu barısında taraptar investiciyalıq mümkindikterdi arttıru, birlesken jobalardı jüzege asıru, önimderdi importtau äleuetin arttıru arqılı üşinşi el narığına şığu sındı josparlardı talqıladı. Sonımen qatar, Qazaqstan bastamasımen wsınılğan «Ortalıq Aziya» halıqaralıq sauda-ekonomikalıq ortalığınıñ män-mañızı aytıldı. Sonımen qatar, keñes negizinde eki el biznes ökilderi baylanısın nığaytu, şekaradağı mäselelerdiñ aldın alu boyınşa kelisimge kelip, Araltwz mekemesi körşi el narığına 200 mıñ euro köleminde önim jetkizetin boldı.

Qazaqstan men Özbekstan arasındağı saudanıñ jalpı kölemi bıltır 2 milliard AQŞ dollarına jetken. Endi memleket basşıları tauar aynalımın 5 milliard AQŞ dollarına deyin jetkizudi josparlap otır.

"The Qazaq Times"