Birikken Wlttar Wyımı Resey qoldauındağı Başar Asad küşteriniñ köterilisşiler baqılauındağı Idlib aymağına qatal şabuıldar jasap jatqanın ayıptadı. BWW mälimdemesine qarağanda, Reseylik wşaqtar men Süriya ükimeti emhanalardı nısanağa alğan.

BWW Resey wşaqtarı men Başar Asad ükimetiniñ kezekti şabuıldarınan beybit twrğındardıñ qaza tauıp jatqanın alğa tarta otırıp, bwl äreketter soğıs qılmısı qatarı bağalanuı mümkin ekenin aytuda.

BBC men Reuters agenttiginiñ habarına qarağanda Idlibtegi birneşe emhana tolığımen joq bolğan. Atalğan aqparat qwraldarınıñ jurnalisteri şabuıldıñ tek qana emhanalarğa bağıttalğanın aytadı. Sebebi, mañındağı ğimarattar şabuılğa wşıramağan, Idlibtegi emhanalarğa zımıran şabuıldarı jasalğan.

Köterilisşilerdiñ soñğı bekinisi sanalğan Idlibte Resey qoldauındağı ükimet pen oppoziciya arasında säuir ayınan beri qaqtığıstar jalğasıp keledi. Qaqtığıstan köbinde beybit twrğındar qaza tabuda. Qazir Resey men Başar Asad küşteriniñ äue şabuılınan Idlib şaharındağı 40 emhana talqandalğan. Bwl da soğıs qılmısı qatarında bağalanuda. Äue şabuıldarınan qorğanu üşin Idlibte jerastı emhanaları salınuda.

“The Qazaq Times”