بىرىككەن ۇلتتار ۇيىمى رەسەي قولداۋىنداعى باشار اساد كۇشتەرىنىڭ كوتەرىلىسشىلەر باقىلاۋىنداعى يدليب ايماعىنا قاتال شابۋىلدار جاساپ جاتقانىن ايىپتادى. بۇۇ مالىمدەمەسىنە قاراعاندا، رەسەيلىك ۇشاقتار مەن ءسۇريا ۇكىمەتى ەمحانالاردى نىساناعا العان.

بۇۇ رەسەي ۇشاقتارى مەن باشار اساد ۇكىمەتىنىڭ كەزەكتى شابۋىلدارىنان بەيبىت تۇرعىنداردىڭ قازا تاۋىپ جاتقانىن العا تارتا وتىرىپ، بۇل ارەكەتتەر سوعىس قىلمىسى قاتارى باعالانۋى مۇمكىن ەكەنىن ايتۋدا.

BBC مەن Reuters اگەنتتىگىنىڭ حابارىنا قاراعاندا يدليبتەگى بىرنەشە ەمحانا تولىعىمەن جوق بولعان. اتالعان اقپارات قۇرالدارىنىڭ جۋرناليستەرى شابۋىلدىڭ تەك قانا ەمحانالارعا باعىتتالعانىن ايتادى. سەبەبى، ماڭىنداعى عيماراتتار شابۋىلعا ۇشىراماعان، يدليبتەگى ەمحانالارعا زىمىران شابۋىلدارى جاسالعان.

كوتەرىلىسشىلەردىڭ سوڭعى بەكىنىسى سانالعان يدليبتە رەسەي قولداۋىنداعى ۇكىمەت پەن وپپوزيتسيا اراسىندا ءساۋىر ايىنان بەرى قاقتىعىستار جالعاسىپ كەلەدى. قاقتىعىستان كوبىندە بەيبىت تۇرعىندار قازا تابۋدا. قازىر رەسەي مەن باشار اساد كۇشتەرىنىڭ اۋە شابۋىلىنان يدليب شاھارىنداعى 40 ەمحانا تالقاندالعان. بۇل دا سوعىس قىلمىسى قاتارىندا باعالانۋدا. اۋە شابۋىلدارىنان قورعانۋ ءۇشىن يدليبتە جەراستى ەمحانالارى سالىنۋدا.

“The Qazaq Times”