Qazaqstan Halıq banki 2016 jıldı qalay qorıtındıladı?

13 naurız küni Almatı qalasında «Qazaqstan Halıq Banki» AQ-nıñ 2016 jılğı jwmısı  boyınşa BAQ ökilderine arnalğan     qorıtındı  esep beru konferenciyası ötti.  Konferenciyağa «Qazaqstan Halıq banki» AQ basqarma törayımı - Ümit Şayahmetova, «Qazaqstan Halıq banki» AQ basqarma törağasınıñ orınbasarları - Marat Älmenov, Mwrat Koşenov, Ertay Salimov qatısıp, banktiñ ötken jıldağı atqarğan jwmıstarı men qızmet körsetu salasına engizilgen innovaciyalıq jañalıqtarımen bölisti. Bank  basşılığı mälimdemesine säykes, nazarlarıñızğa  «Qazaqstan Halıq Banki» AQ-nıñ jıldıq  qorıtındı esebin wsınamız. 

Foto: qazaqtimes.com
Halıq banktiñ esep beru konferenciyası

«Qazaqstan Halıq Banki» AQ-nıñ (bwdan äri – «bank») taza tabısı 2015j. 12 ayımen salıstırğanda 9.2%-ğa 131.4 mlrd teñgege deyin östi.

Qwnsızdanu rezervterine audaruğa deyingi taza payızdıq tabıs 2015j. 12 ayımen  salıstırğanda 22.4%-ğa 184.0 mlrd teñgege deyin östi. Bwl payızdıq aktivterdiñ ortaşa qaldıqtarınıñ 38.3%-ğa wlğayuı jäne olar boyınşa ortaşa payızdıq mölşerlemelerdiñ jıldığı 10.5%-dan jıldığı 10.6%-ğa deyin ösui esebinen, negizinde Bank 2016j. soñğı üş toqsanı işinde satıp alatın Qazaqstan Respublikasınıñ Wlttıq Bankiniñ notaları esebinen östi.

Taza payızdıq marja 2015j. 12 ayındağı jıldığı 6.2%-ben salıstırğanda 2016j. 12 ayındağı jıldığı 5.5%-ğa deyin tömendedi. 2016j. 4 toqsanı boyınşa taza payızdıq marja 5.3% qwradı, 2015j. 4 toqsanımen salıstırğanda bwrınğı deñgeyde qaldı.

• Ortaşa menşikti kapitalğa qaytarım (RoAE) 2015 j. 12 ayı boyınşa jıldığı 24.4%-dan jıldığı 22.3%-ğa deyin tömendedi;
• Ortaşa aktivterge qaytarım (RoAA) 2015 j. 12 ayı boyınşa jıldığı 3.7%-dan 2.8%-ğa deyin tömendedi.

Kredittik mekemelerdiñ qarajatı 2015 jılğı 31 jeltoqsanğa qarağanda 3.6%-ğa tömendedi, köbinese bwl 2016 jıldıñ işinde aqşa narığında (qazınaşılıq veksel'dermen REPO mämileleri) Qazaqstan Qor birjası arqılı banktiñ jäne onıñ enşiles wyımdarınıñ bireuiniñ qarız alu köleminiñ tömendeuinen boldı.  2016 jılğı 31 jeltoqsanda Banktiñ kredittik mekemeler aldındağı mindettemeleriniñ jartısınan köbi köbinese 2014 jäne 2015 jıldarı «QazAgro» wlttıq basqaruşı holdingi» AQ-nan, «Damu» käsipkerlikti damıtu qorı» AQ-nan jäne «Qazaqstannıñ damu banki» AQ-nan ekonomikanıñ bölek sektorların qoldau boyınşa memlekettik bağdarlamalar şeñberinde alınğan qarızdardan qwraldı.

Şığarılğan borıştıq bağalı qağazdar 2015 jılğı 31 jeltoqsanmen salıstırğanda köbinese 2016 jılı 25 säuirde aynalım merzimi 10 jıl jäne kupon mölşerlemesi 15% bolatın, inflyaciya mölşerlemesin şegerip, jergilikti tärtiptendirilgen obligaciyalardı 4 mlrd. teñge somasına josparlı öteu esebinen jäne 2016 jılğı 9 qaraşada Bank 2018 jıldıñ qaraşasında bastapqı öteu merzimimen jäne jıldığı 13% kupon mölşerlemesimen, jergilikti tärtiptendirilgen obligaciyalardıñ tağı bir şığarılımın 5 mlrd. teñge somasına erikti merziminen bwrın öteu esebinen 2.1%-ğa tömendedi.

31.12.2016j. jağday boyınşa banktiñ borıştıq bağalı qağazdarına:

• ärbir şığarılım boyınşa kupon mölşerlemesiniñ jıldığı 7.25% bolğanda, 2017j. mamırında jäne 2021j. qañtarında birjolğı öteumen 638 mln AQŞ dolları jäne 500 mln AQŞ dolları somasına ötelmegen evroobligaciyalardıñ eki şığarılımı;
• bank 2015 jılı «Birıñğay Jinaqtauşı zeynetaqı qorı» AQ-da kuponnıñ jıldığı 7.5% mölşerlemesi boyınşa ornalastırğan jäne 2025j. aqpanında öteluge jatatın  131.7 mlrd teñge somasına jergilikti obligaciyalar;
• bank 2014 jılı «Birıñğay Jinaqtauşı zeynetaqı qorı» AQ-da kuponnıñ jıldığı 7.5% mölşerlemesi boyınşa ornalastırğan jäne 2024j. qaraşasında öteluge jatatın  100 mlrd teñge somasına jergilikti obligaciyalar kiredi.

2015 jıldıñ 31 jeltoqsanımen salıstırğanda «Qazaqstan Halıq Banki» AQ menşikti kapitalı 2016 j. 12  ayda tapqan taza tabıs esebinen 25.6%-ğa wlğayıp,  666 mlrd teñgeni qwradı.

“The Qazaq Times”