QR prezidenti Qasım-Jomart Toqaev pen ÖZ prezmdenti Şavkat Mirzieev . Foto: aşıq derekköz

Prezident Toqaev Ükimetke şağın käsipkerlikti qoldau maqsatında 3 jılğa tabıs salığınan bosatıp, bası artıqtekseristerge 3 jıldıq moratoriy engizetinin mälimdedi.


Eldi eleñ etkizgen habarda «Ükimetke mikro jäne şağın biznesti 3  jılğa tabıs salığınan bosatu turalı zañ jobasın äzirleudi tapsıramın», – dedi prezident halıqqa arnağan joldauında. Tiisti normativtik özgerister 2020 jıldan küşine enui tiis.

Sonımen qatar «Kelesi jılı qañtar ayınan bastap mikro jäne şağın biznesti tekseruge üş jılğa tıyım salu turalı şeşimim de küşine enedi», – dep tolıqtırdı Toqaev.

Jiınğa Mäjilistiñ 107 deputatınıñ 106-sı, Senattıñ 49 deputatınıñ 47-si, QR Memlekettik hatşısı, QR Joğarğı Sotı, QR Ükimetiniñ tolıq qwramı, QR Prezidentine tikeley esep beretin jäne bağınatın organ basşıları, wlttıq kompaniyalar men memlekettik wyımdar, el astanasınıñ, Almatı, Şımkent qalalarınıñ jäne oblıstardıñ äkimderi, sayasi partiya basşıları qatıstı.

Osığan deyin 2018 jıldıñ şildesinde alaşapandı körşi özbek elinde şağın jäne jeke biznesti damıtu üşin käsipkerlerdi 5 jılğa deyin salıqtan bosatqan edi. Özbekstan prezidenti Şavkat Mirzieev jeke käsipkerlerdi 2023 jıldıñ 1 şildesine deyin eñsesin tiktep, biznes segmenttiñ äleuetin arttıruğa mümkindik beretin bwyrıq şığarğan. Toqaevtıñ bwl mälimdemesi tağdırlas, qwralpılas «körşiniñ qadamın bağıp» qabıldanuı äbden mümkin. Nazarbaevtıñ AÄK tağayındauı da körşi Putinniñ jalpıbwqaralıq äleumettik qoldau jarlığınan keyin qolğa alınuı oylandırarlıq jayt.

"The Qazaq Times"