پرەزيدەنت توقاەۆ ۇكىمەتكە شاعىن كاسىپكەرلىكتى قولداۋ ماقساتىندا 3 جىلعا تابىس سالىعىنان بوساتىپ، باسى ارتىقتەكسەرىستەرگە 3 جىلدىق موراتوري ەنگىزەتىنىن مالىمدەدى.
ەلدى ەلەڭ ەتكىزگەن حاباردا «ۇكىمەتكە ميكرو جانە شاعىن بيزنەستى 3 جىلعا تابىس سالىعىنان بوساتۋ تۋرالى زاڭ جوباسىن ازىرلەۋدى تاپسىرامىن»، – دەدى پرەزيدەنت حالىققا ارناعان جولداۋىندا. ءتيىستى نورماتيۆتىك وزگەرىستەر 2020 جىلدان كۇشىنە ەنۋى ءتيىس.
سونىمەن قاتار «كەلەسى جىلى قاڭتار ايىنان باستاپ ميكرو جانە شاعىن بيزنەستى تەكسەرۋگە ءۇش جىلعا تىيىم سالۋ تۋرالى شەشىمىم دە كۇشىنە ەنەدى»، – دەپ تولىقتىردى توقاەۆ.
جيىنعا ءماجىلىستىڭ 107 دەپۋتاتىنىڭ 106-سى، سەناتتىڭ 49 دەپۋتاتىنىڭ 47-ءسى، قر مەملەكەتتىك حاتشىسى، قر جوعارعى سوتى، قر ۇكىمەتىنىڭ تولىق قۇرامى، قر پرەزيدەنتىنە تىكەلەي ەسەپ بەرەتىن جانە باعىناتىن ورگان باسشىلارى، ۇلتتىق كومپانيالار مەن مەملەكەتتىك ۇيىمدار، ەل استاناسىنىڭ، الماتى، شىمكەنت قالالارىنىڭ جانە وبلىستاردىڭ اكىمدەرى، ساياسي پارتيا باسشىلارى قاتىستى.
وسىعان دەيىن 2018 جىلدىڭ شىلدەسىندە الاشاپاندى كورشى وزبەك ەلىندە شاعىن جانە جەكە بيزنەستى دامىتۋ ءۇشىن كاسىپكەرلەردى 5 جىلعا دەيىن سالىقتان بوساتقان ەدى. وزبەكستان پرەزيدەنتى شاۆكات ميرزيوەۆ جەكە كاسىپكەرلەردى 2023 جىلدىڭ 1 شىلدەسىنە دەيىن ەڭسەسىن تىكتەپ، بيزنەس سەگمەنتتىڭ الەۋەتىن ارتتىرۋعا مۇمكىندىك بەرەتىن بۇيرىق شىعارعان. توقاەۆتىڭ بۇل مالىمدەمەسى تاعدىرلاس، قۇرالپىلاس «كورشىنىڭ قادامىن باعىپ» قابىلدانۋى ابدەن مۇمكىن. نازارباەۆتىڭ ااك تاعايىنداۋى دا كورشى ءپۋتيننىڭ جالپىبۇقارالىق الەۋمەتتىك قولداۋ جارلىعىنان كەيىن قولعا الىنۋى ويلاندىرارلىق جايت.
ەرتاەۆ قايتا قامالعان كۇز: راقىمشىلىق «زاڭسىزدىق جارمەڭكەسىنە» اينالدى ما؟
تالعار تراگەدياسى: قىزىلقايراتتاعى قىلمىسقا قاتىستى جەتى ءىس قوزعالدى
قىزىلورداداعى №60 مەكەمەدەن حات: قاماۋداعى دۋمان مۇحامەتكارىم قاۋىپسىزدىك سۇرايدى
تالعارداعى قاندى وقيعا: ءىىم-گە جولدانعان ساۋال جانە قوعام كۇتكەن جاۋاپ
تالعاردا تاعى دا قاندى وقيعا. پوليتسيانىڭ جاۋاپسىزدىعى ما، جۇيەلىك داعدارىس پا؟
قايرات قوجامجاروۆقا قاتىستى تەرگەۋ: نازارباەۆ ءداۋىرىنىڭ ىقپالدى شەنەۋنىگىنە كەزەك كەلدى