Kaşmir dauı qayta örşi tüsui mümkin. Foto: aljazeera.com/

Kaşmirdiñ Ündistan basqarğan aymağı avtonomiyasınan ayrıluı mümkin. Bwl turalı Ündistannıñ prem'er-ministri Narendra Modi bir kün bwrınğı el täuelsizdik künine arnalğan saltanattı şarada ortağa saldı. 

"Kaşmir aymağı endi bwrınğı quatına qaytadı", – dep bastağan Modi sözinde – " Kaşmir twrğındarınıñ talap-tilegin orındau bizdiñ mindetimiz. Olardıñ arman-tilegin jüzege asıru bizdiñ jauapkerşiligimizde. Ol üşin Ündistannıñ 1 mlrd 300 mln halqı şwğıl äreket etui kerek. Maqsatımızğa jetu üşin tap bolğan türli kedergilerden ötip kelemiz", – degen.

Ündistan basşısınıñ bwl sözinen keyin Päkistan prem'er-ministri birden mälimdeme jasap, halıqaralıq qauımdastıqtı Kaşmir taqırıbına nazar audaruğa şaqırdı. Imran Han  öziniñ äleumettik jelidegi mälimdemesinde: "Men halıqaralıq qauımdastıqqa eskertu jasağım keledi. Eger bwğan jol berseñder, zardabı tım auır boladı. Mwsılman jwrtşılığında zorlıq-zombılıq pen radikalizm küşeyip ketui mümkin", – degen.

Soñğı eki jıldan beri Ündistan men Päkistan arasındağı tarihi talas-tartısqa tolı dau-damay qayta uşıqtı. Tipti, eki eldiñ şekaralas aymaqtarında qarulı qaqtığıstar da boldı. Kezektesken äue kemelerin atıp tüsiru äreketteri de orın aldı. Bwl qayşılıqtardı şeşu maqsatında Imran Han men Narendra Modi kelissözge talpınıs jasap ta kördi. Alayda, tarihı tereñge ketken qayşılıq tübegeyli şeşim tabar türi joq.

“The Qazaq Times”