AQŞ teñiz armiyasınıñ jauıngerleri. Foto: regnum.ru
  1. Süriyalıq Rakka qalasın "Islam memleketi" terroristik wyımınıñ sodırlarınan azat etu operaciyasına teñiz küşteriniñ qosımşa bölimi qatısadı. Bwl turalı The Washington Post äskeri mekemedegi derekközge silteme jasap, "Ortalıq Aziya habar qızmeti" jazadı. 

Gazet derekköziniñ aytuınşa, AQŞ-tıñ Süriyadağı äskeri küşteriniñ küşeyui prezident Donal'd Tramptıñ IM-ge qarsı küres josparına qatıstı emes. Qosımşa äsker joldau - qazirgi operaciyanıñ bir böligi.

9 naurızda Adam qwqıqtarınıñ saqtaluı jönindegi süriyalıq monitoring ortalığınıñ habarlauınşa, Rakka qalasınıñ oñtüstik-şığısın jasalğan äue soqqıları saldarınan 23 beybit twrğın, sonıñ işinde segiz bala qaza tapqan. Ortalıq mälimetine qarağanda, äue soqqısın AQŞ-tıñ IM-ge qarsı küres koaliciyası jasağan. AQŞ qolbasşılarınıñ mälimdeuinşe, äskeri operaciya barısında beybit twrğındar zardap şekpeuine barınşa küş salınıp otır, dep habarladı Reuters.

Halıqaralıq koaliciyanıñ IM-ge qarsı operaciyası 2014 jılı bastaldı. Äskeri qimıldar Irak jäne Siriya aumağında jürgiziledi. Qazir äskeri operaciyağa 500 amerikalıq äsker qızmetkeri tartılğan.

«The Qazaq Times»