Foto: https://phototass4.cdnvideo.ru

Londonda jüzdegen adam Boris Djonsonnıñ eldiñ jaña prem'er-ministri bolıp tağayındaluına qarsı narazılıq akciyasın wyımdastırdı.

VVS telearnasınıñ habarlauınşa, narazılıq akciyasın The People'S Assembly tobınıñ sol qanatı wyımdastırğan. Narazı top Dauning-Stritte ornalasqan prem'er-miniistrdiñ rezidenciyası aldına jinalıp, Brexit josparınan bas tartudı talap etti. Sonımen qatar, belsendiler «Boris Djonson Wlıbritaniyanı qwrdımğa ketiredi» dep, oğan qarsı ekendigin aytqan.

24 şildede Konservatorlar partiyasınıñ jaña basşısına dauıs beru qorıtındısı boyınşa Djonson 92 153 dauıs, al onıñ qarsılası – qazirgi Sırtqı ister ministri Djeremi Hant 46 656 dauıs jinağan. Saylau nätijeleri mälim bolğannan keyin Djonson öziniñ Twitter paraqşasında: «Berilip qızmet etetin, partiyanı damıtıp, elimizdi alğa jeteleytin uaqıt keldi. Meni qoldağandarıñız üşin alğıs. Sizderdiñ senimderiñizdi nığaytu üşin barımdı salamın», – degen jazba qaldırdı. Osığan deyin memleket SİM-niñ basşısı jäne London meri bolğan Boris Djonson Birikken Korol'diktiñ 77-şi prem'er-ministri atandı.

"The Qazaq Times"