لوندوندا جۇزدەگەن ادام بوريس دجونسوننىڭ ەلدىڭ جاڭا پرەمەر-ءمينيسترى بولىپ تاعايىندالۋىنا قارسى نارازىلىق اكتسياسىن ۇيىمداستىردى.
ۆۆس تەلەارناسىنىڭ حابارلاۋىنشا، نارازىلىق اكتسياسىن The People'S Assembly توبىنىڭ سول قاناتى ۇيىمداستىرعان. نارازى توپ داۋنينگ-ستريتتە ورنالاسقان پرەمەر-ءمينيستردىڭ رەزيدەنتسياسى الدىنا جينالىپ، Brexit جوسپارىنان باس تارتۋدى تالاپ ەتتى. سونىمەن قاتار، بەلسەندىلەر «بوريس دجونسون ۇلىبريتانيانى قۇردىمعا كەتىرەدى» دەپ، وعان قارسى ەكەندىگىن ايتقان.
24 شىلدەدە كونسەرۆاتورلار پارتياسىنىڭ جاڭا باسشىسىنا داۋىس بەرۋ قورىتىندىسى بويىنشا دجونسون 92 153 داۋىس، ال ونىڭ قارسىلاسى – قازىرگى سىرتقى ىستەر ءمينيسترى دجەرەمي حانت 46 656 داۋىس جيناعان. سايلاۋ ناتيجەلەرى ءمالىم بولعاننان كەيىن دجونسون ءوزىنىڭ Twitter پاراقشاسىندا: «بەرىلىپ قىزمەت ەتەتىن، پارتيانى دامىتىپ، ەلىمىزدى العا جەتەلەيتىن ۋاقىت كەلدى. مەنى قولداعاندارىڭىز ءۇشىن العىس. سىزدەردىڭ سەنىمدەرىڭىزدى نىعايتۋ ءۇشىن بارىمدى سالامىن»، – دەگەن جازبا قالدىردى. وسىعان دەيىن مەملەكەت ءسىم-ءنىڭ باسشىسى جانە لوندون مەرى بولعان بوريس دجونسون بىرىككەن كورولدىكتىڭ 77-ءشى پرەمەر-ءمينيسترى اتاندى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟