Qazaqstan prezidenti Qasım-Jomart Toqaev jäne qorğanıs ministri Nwrlan Ermekbaev. Foto: http://akorda.in

Qazaqstan prezidenti Qasım-Jomart Toqaev Arıstağı jarılısqa baylanıstı qorğanıs ministri Nwrlan Ermekbaevqa birden qatañ sögis jariyaladı.

Ükimettiñ keñeytilgen otırısında prezident Arıstağı jarılıs oqiğasına baylanıstı ministrge qatañ sögis jariyalanatının mälim etip, bwl jağdaydıñ «äskeri mekeme baqılauınıñ älsireui jäne jüyeli kemşilik» saldarına toqtalğan. Prezident sözinde: «Men qorğanıs ministrligindegi jağdayğa qanağattanbay otırğanımdı bildiremin. Sondıqtan sizge qatañ sögis jariyalaymın», – dedi. Sonımen qatar, Qasım-Jomart Toqaev ministr Ermekbaevtıñ tağayındalğanına köp bolmağanın ayta otırıp, eldegi qorğanıs salasına tolıq jauaptı ekenin eske saldı.

Arıs qalasındağı äskeri bölimniñ qoymasında 24 mausımda tañerteñ jarılıs orın alğan bolatın. Saldarınan üş adam qaza taptı – Arıs twrğını men eki äskeri qızmetşi. 170-ke juıq adam zardap şekti. 20-ğa juıq üy, 9 qora-qopsı janıp, dalalı aumaqta 14 oşaq twtandı. Üy-jaylar men ğimarattardıñ 80-90 payızına ärtürli deñgeyde zaqım keldi. Birqatar öñirde şwğıl jeliler qwrıldı.

"The Qazaq Times"